اسقار جۇماعاليەۆ ءۇندىستاننىڭ سيفرلاندىرۋ جوبالارىمەن تانىستى
بۇل تۋرالى primeminister.kz سايتىندا حابارلاندى. ساپار بارىسىندا قازاقستاندىق ماماندار ءۇندىستاننىڭ سيفرلاندىرۋ جوبالارىمەن تانىسىپ، ۇلتتىق ينفورماتيكا ورتالىعىنا باردى. وندا ۇندىلىك ارىپتەستەر اقپاراتتىق قىزمەتتەر مەن اقپاراتتىق- كوممۋنيكاتسيالىق تەحنولوگيالار سالاسىنداعى جاڭا شەشىمدەرمەن تانىستىردى.
نيۋ- دەليدە ق ر پرەمەر- ءمينيسترىنىڭ ورىنباسارى اسقار جۇماعالييەۆ پەن ءۇندىستان رەسپۋبليكاسى اقپاراتتىق تەحنولوگيالار جانە تەلەكوممۋنيكاتسيالار ءمينيسترى راۆي شانكار پراساد كەزدەستى. كەزدەسۋ بارىسىندا اسقار جۇماعاليەۆ «سيفرلىق قازاقستان» مەملەكەتتىك باعدارلاماسى تۋرالى ايتىپ بەردى. پرەمەر- ءمينيستردىڭ ورىنباسارى ءۇندىستاننىڭ كيبەرقاۋىپسىزدىك، ادام كاپيتالىن دامىتۋ، بيومەتريا جانە تاعى باسقا سالالارداعى جوبالاردى ىسكە اسىرۋداعى ەلەۋلى تاجىريبەسىن اتاپ ءوتتى.
«ادام كاپيتالىن دامىتۋ - «سيفرلىق قازاقستان» باعدارلاماسىنىڭ ەڭ ماڭىزدى باعىتتارىنىڭ ءبىرى. جوعارى كاسىبي كادرلارسىز سيفرلىق باستامالاردى ىسكە اسىرۋ مۇمكىن ەمەس. ءۇندىستاننىڭ بىلىكتى ІТ- كادرلارىن دايارلاۋدا ۇلكەن تاجىريبە جيناقتاعانىن كورىپ وتىرمىز. ءۇندى ارىپتەستەرىمىزدىڭ وسى سالاداعى تاجىريبەسى ءبىزدىڭ قىزىعۋشىلىعىمىزدى تۋدىرىپ وتىر»، - دەدى اسقار جۇماعاليەۆ.
راۆي پراساد قازاقستاننىڭ سيفرلىق باستامالارى الەمدىك ترەندتەرگە سايكەس كەلەتىنىن، ال مەملەكەت باسشىسىنىڭ جان- جاقتى كورسەتىپ وتىرعان قولداۋى «سيفرلىق قازاقستان» باعدارلاماسىن ءساتتى ىسكە اسىرۋدىڭ كەپىلى ەكەنىن اتاپ ءوتتى. سونداي- اق مينيستر مامانداردى دايارلاۋ سالاسىندا تاجىريبەمەن بولىسۋگە دايىن ەكەنىن جەتكىزىپ، ءۇندىستان باسقا دا سالالاردا ىنتىماقتاستىق ورناتۋعا مۇددەلى ەكەنىنە نازار اۋداردى.
ءۇندىستاننىڭ اقپاراتتىق تەحنولوگيالار جانە كوممۋنيكاتسيالار مينيسترلىگىندە NASSCOM, NIELT, CDAC, SPTI, EP
سەكىلدى جەتەكشى ءۇندى كومپانيالارى ءوز ونىمدەرىمەن تانىستىردى. قازاقستان تاراپى استانا حابپەن تانىستىرىپ، قازاقستاننىڭ يننوۆاتسيالىق ەكوجۇيەسىن دامىتۋ كەلەشەگى تۋرالى ايتىپ بەردى. اسقار جۇماعاليەۆ ءۇندى ب ا ق- تارىنىڭ سۇراقتارىنا جاۋاپ بەرە وتىرىپ، ەشبىر ەل سيفرلىق جوبالاردى ءوز بەتىنشە ىسكە اسىرا المايتىنىن اتاپ ءوتتى. سەبەبى، تەحنولوگيالار ۇنەمى وزگەرىپ، قارقىندى تۇردە جەتىلدىرىلىپ وتىرادى. تۇراقتى نەگىزدە پىكىر الماسىپ، بىلىممەن جانە تاجىريبەمەن ءبولىسىپ وتىرۋ قاجەت. سوندىقتان دا، وسىنداي كەزدەسۋلەر قازاقستان ءۇشىن دە، ءۇندىستانعا دا وتە پايدالى. سونداي- اق، ا. جۇماعاليەۆ ءۇندى كومپانيالارىن بيىل 5 - قاراشادا اشىلاتىن استانا حابقا شاقىردى.