قاراعاندى وبلىسىندا مۇناي وڭدەۋ زاۋىتى سالىنادى
«جۇمىستاردى «ابىلايحان» كومپانياسى جۇرگىزىپ جاتىر. بۇگىنگى تاڭدا زاۋىت قۇرىلىسىنا 100 گەكتار، ۇيلەر مەن الەۋمەتتىك- مادەني نىساندار سالۋعا 70 گەكتار جەر تەلىمدەرى ءبولىندى. مۇندا سپورت كەشەنى، مەديتسينالىق پۋنكت جانە ساۋدا ورتالىعى بار شاعىن قالاشىق سالۋ جوسپارلانىپ وتىر»، - دەدى جاڭاارقا اۋدانىنىڭ اكىمى يۋرجان بەكقوجين.
م ءو ز قۇرىلىسىنا ارنالعان قاراجاتتى سينگاپۋرلىق فيرما ينۆەستيتسيالاۋدا. «قازىرگى تاڭدا بارلىق جوبالاۋ- سمەتالىق قۇجاتتامالار مەملەكەتتىك ساراپتاماعا بەرىلدى. قورىتىندى الىنعان سوڭ بىردەن زاۋىتتىڭ قۇرىلىسى باستالادى. زاۋىت اۋدان ورتالىعى اتاسۋ كەنتىنەن التى شاقىرىم جەردە ورنالاساتىن بولادى. زاۋىت پەن قالاشىقتى ەكى جىلدىڭ ىشىندە سالۋ كوزدەلىپ وتىر. قۇرىلىس جۇمىستارىنا 1500 ادام جۇمىلدىرىلادى. ءوندىرىستى ىسكە قوسقان سوڭ 500 ادام تۇراقتى جۇمىسپەن قامتاماسىز ەتىلەدى»، - دەپ مالىمدەدى يۋرجان بەكقوجين.
ەستەرىڭىزگە سالا كەتەيىك، وسى جىلدىڭ كوكتەمىندە قاراعاندىدا سينگاپۋردان كەلگەن ينۆەستورلارمەن جالپى سوماسى 300 ميلليارد تەڭگەنى قۇرايتىن كەلىسىمشارت جاسالعان بولاتىن. الدىن الا ەسەپتەۋلەر بويىنشا، زاۋىتتا جىلىنا 1 ميلليون تونناعا دەيىن مۇناي وڭدەلەتىن بولادى.