اتىراۋدا ايتۋار بيگە ەسكەرتكىش قويىلدى

None
None
اتىراۋ. قازاقپارات - اتىراۋ وبلىسىنىڭ ماحامبەت اۋدانىندا قازاقتىڭ ايگىلى بيلەرىنىڭ ءبىرى ايتۋار ۇسەن ۇلىنا ارنالعان گرانيت ستەللانىڭ اشىلۋ ءراسىمى بولدى، دەپ حابارلايدى «قازاقپارات» ح ا ا.

«ايتۋار بي 1783-1856 -جىلدارى اتىراۋ وبلىسىنىڭ قازىرگى ماحامبەت، يندەر،  قىزىلقوعا اۋداندارىنىڭ اۋماعىندا تۇرعان. ول قارا قىلدى قاق جارعان ادىلدىگىمەن جۇرتقا تانىمال بي بولعان. ەسەت قارا ۇلىمەن بىرگە كىشى جۇزدە بايماعامبەت سۇلتاننىڭ كەڭەسشىسى بولعان جانە ءوز زامانىنىڭ بەدەلدى دە بەلدى تۇلعالارىنىڭ ءبىرى ەدى»، - دەدى اتىراۋ وبلىستىق سوتىنىڭ باسپا ءسوز قىزمەتى.

ستەللانىڭ اشىلۋىنا سوت وكىلدەرى، اۋدان حالقى جانە ءبيدىڭ ۇرپاقتارى قاتىستى. «مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى تاريحي قۇجاتىندا قازىرگى زاماندا قازاق حالقىنىڭ رۋحاني مۇرالارىنا ەرەكشە نازار اۋدارۋ قاجەتتىگى ايتىلعان. قۋاتتى مەملەكەتتىڭ نەگىزى مادەنيەت پەن رۋحاني قۇندىلىقتارى بولۋى ءتيىس. ءبىز قازاق تاريحىندا ەلەۋلى ءرول اتقارعان ايتۋار بي سياقتى ءبىرتاۋار ازاماتتارمىزدى ەشقاشان دە ەستەن شىعارماۋىمىز قاجەت»، - دەدى جيىنعا قاتىسۋشىلاردىڭ الدىندا ءسوز سويلەگەن وبلىستىق سوتتىڭ سۋدياسى ساعات حاسان.

 سونىمەن قاتار سوت وكىلى «بيلەر سوتىن» جاڭعىرتۋ بويىنشا سوت جۇيەسىندە اتقارىلىپ جاتقان جۇمىستار تۋرالى دا ايتىپ ءوتتى.

 

 

سوڭعى جاڭالىقتار