سەرىك ساپيەۆ اۋىلدىق مەكتەپتەردە اعىلشىن تىلىنەن ساباق بەرەدى
ول اعىمداعى جىلدىڭ 20 - قىركۇيەگىنەن باستاپ قاراشا ايىنا دەيىن جۇزەگە اسىرىلاتىن بولادى، دەپ جازادى Bnews.kz.
وسى شارا بارىسىندا 28 ءتىل مامانى 140 تان استام وتاندىق ماماندار 9-11 سىنىپ وقۋشىلارىنا ەرىكتى تۇردە اعىلشىن ءتىلىن ۇيرەتۋ ءۇشىن ايماقتارعا بارادى.
ولاردىڭ قاتارىندا وليمپيادا چەمپيونى، سونداي- اق پارلامەنت ءماجىلىسىنىڭ دەپۋتاتى سەرىك ساپيەۆ تە بار.
««بولاشاق» قاۋىمداستىعىنىڭ مۇشەسى رەتىندە «ەnglish for Jastar» الەۋمەتتىك جوباسىنا قاتىساتىنىما قۋانىشتىمىن. جوبانىڭ اۋقىمى وتە ۇلكەن. مەن دە اۋىلدىڭ بالاسىمىن جانە ءوز ۋاقىتىندا اعىلشىن ءتىلىن ءبىلۋ مەنىڭ العا قويعان ماقساتىما جەتۋگە كومەكتەسەتىنىن تۇسىنگەنمىن. بۇل جوبا اۋىلدىق مەكتەپ وقۋشىلارىنىڭ اعىلشىن ءتىلىن ۇيرەنۋگە دەگەن قۇلشىنىسىن ىنتالاندىراتىنىنا سەنىمدىمىن. ولارعا ءتىلدى جاقسى مەڭگەرۋ ءۇشىن كوپ كۇش قاجەت ەكەنىن تۇسىندىرەدى دەپ سەنەمىن. شەت ءتىلىن ۇيرەنۋدى ۇلكەن سپورتپەن سالىستىرۋعا بولادى. مۇندا، ءدال سپورت سەكىلدى. چەمپيون تاربيەلەۋ ءۇشىن الدىمەن جاتتىعۋدى بالا كەزدەن باستاپ باستاۋ كەرەك» ، - دەيدى سەرىك ساپيەۆ.
سونىمەن قاتار، ساپيەۆ ءوز تاجىريبەسى ارقىلى اعىلشىن ءتىلىن ۇيرەنۋدىڭ ماڭىزدىلىعىن كورسەتكىسى كەلەتىنىن ايتتى.
«ارينە، مەن بارلىق ۋاقىتتا وقۋشىلارمەن بىرگە بولا المايمىن. بۇل ءۇشىن ول جەردە ارنايى ەرىكتىلەر جۇرەدى. مەن ءوز تاراپىمنان اعىلشىن ءتىلىن ۇيرەنۋگە قوسىمشا ىنتا بەرۋگە تىرىسامىن. مەنىڭ ءوزىم اعىلشىن ءتىلىن ءبىر جىلدان استام ۋاقىتتىڭ ىشىندە وقىپ، ۇيرەنگەنمىن» ، - دەدى ول.
ۇيىمداستىرۋشىلاردىڭ ايتۋىنشا، جوبا قازاقستاننىڭ 14 - وڭىرىندە پيلوتتىق رەجيمدە ەكى اي جۇمىس ىستەيتىن بولادى. جوبانىڭ ماقساتى - وقۋشىلارعا اعىلشىن ءتىلىنىڭ دەڭگەيىن جەتىلدىرۋگە جانە قارىم- قاتىناس داعدىلارىن جاقسارتۋعا كومەكتەسۋ.