استانادا «تالان» كوركەم فيلمىنىڭ تۇساۋى كەسىلدى

استانا. قازاقپارات - بۇگىن استاناداعى «سارى- ارقا» كينوتەاترىندا «تالان» جاڭا كوركەم فيلمىنىڭ تۇساۋكەسەرى ءوتتى.

فيلمدى ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاقفيلم» كينوستۋدياسى ءتۇسىردى. بۇل تۋرالى كينوستۋديانىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

فيلمنىڭ تانىستىرىلىمىنا قازاقستاننىڭ ەڭبەك سىڭىرگەن قايراتكەرى بولات قالىمبەتوۆ، اكتەرلەر - قازاقستاننىڭ ەڭبەك سىڭىرگەن قايراتكەرى شىنار جاڭىسبەكوۆا، ەرىك جولجاقسىنوۆ، ەرجان نۇرىمبەت جانە اسان ءماجيت قاتىستى.

تاريحي دراما ⅩⅩعاسىردىڭ 30-40 -جىلدارىنداعى باستى كەيىپكەردىڭ ءومىرى جايلى سىر شەرتەدى. فيلمنىڭ ستسەناريىن جۇسىپبەك قورعاسبەكتىڭ «قاسقىر ادام» اڭگىمەسى نەگىزىندە عازيز ناسىروۆ پەن بولات قالىمبەتوۆ جازىپ شىققان. كينو ءتۇسىرىلىمى الماتى قالاسى مەن الماتى وبلىسىندا جۇرگىزىلدى.

«فيلمدە حالقىمىز تاريحىنىڭ كۇردەلى كەزەڭى - وتكەن عاسىردىڭ 30-40 -جىلدارى باياندالادى. «تالان» ءسوزى «تاعدىر» دەگەندى بىلدىرەدى. مىنە، سوندىقتان، فيلمنىڭ باستى ماقساتى - سول داۋىردەگى ادامنىڭ بەينەسىن اشۋ جانە ونىڭ تاعدىرىن بايان ەتۋ. مەن مادەنيەت جانە سپورت مينيسترلىگىنە، «قازاقفيلم» كينوستۋدياسىنا، سونداي- اق بۇكىل فيلم توبىنا ۇلكەن العىسىمدى بىلدىرەمىن. سەنىم بىلدىرگەندەرىڭىزگە راحمەت!» ، - دەدى باسپا ءسوز ءماسليحاتىندا رەجيسسەر بولات قالىمبەتوۆ.

ال اكتەر اسان ءماجيت بۇعان دەيىن تەك ەپيزودتىق رولدەردە ويناعانىن ايتادى.

«ءبىر كۇنى بىردەن ءۇش فيلمنىڭ باستى رولىندە ويناۋ ۇسىنىستارى جاسالدى. «تارازدا» ءبانديتتى ويناۋ قيىن ەمەس ەدى. ءبىراق «تالان» تۋىندىسىندا مەن قولىمنان كەلگەننىڭ ءبارىن جاسادىم. بولات قالىمبەتوۆ بۇل رولگە مەنى ەكى جىلدان استام ۋاقىت دايىندادى» ، - دەيدى اكتەر اسان ءماجيت.

فيلمگە سونداي- اق ەرىك جولجاقسىنوۆ (تالاسبەك) ، شىنار جانىسبەكوۆا (ءبيبىسارا) ، ەرجان نۇرىمبەت (شورمان) ، ۇلان ءنۇسىپالى (شۇكىر) مەن وڭداسىن بەسىكباسپۆ (قاستەك) تۇسكەن.

ەسكە سالا كەتسەك، بۇدان بۇرىن اتالمىش كارتينا يراندا وتكەن حالىقارالىق كينوفەستيۆالدە كورسەتىلگەن بولاتىن.

 

اۆتور: ايان بەكەن ۇلى