ايفوندارعا شابۋىل: استانالىق پوليتسيا الاياقتاردان اباي بولۋعا شاقىردى
ەلوردانىڭ ىشكى ىستەر دەپارتامەنتىنەن ءمالىم ەتكەندەي، «ІРhone» ءموبيلدى تەلەفونىنىڭ بۇعاتتالۋىنا قاتىستى بىرنەشە ازاماتتان شاعىم تۇسكەن. الاياقتاردىڭ امالدارى ءارتۇرلى. ءى ءى د سونىڭ ءبىرى بىلايشا جۇزەگە اسىرىلاتىنىن حابارلايدى.
«الاياقتار «ۆكونتاكتە» الەۋمەتتىك جەلىسىندە جالعان اككاۋنت اشىپ، زارداپ شەگۋشىلەرمەن پىكىر الماسا باستايدى. كەيىن جوعالتىپ العان iPhone تەلەفونىن تاۋىپ بەرۋگە زارداپ شەگۋشىدەن كومەك سۇرالادى. ول ءۇشىن زارداپ شەگۋشى ءوز تەلەفونىندا «ايفوندى تابۋ» فۋنكتسياسىن پايدالانۋى ءتيىس. الاياق ءوزىنىڭ ايكلاۋدىن قۇپياسوزبەن بىرگە جىبەرەدى دە، زارداپ شەگۋشى بوتەن ايكلاۋدتى ءوز ءموبيلدى تەلەفونىنا قوسادى. بۇدان ءارى الاياق ينتەرنەتكە كىرەدى، قۇپياسوزدى وزگەرتىپ، «جوعالتىپ الۋ» رەجيمىن ىسكە قوسادى. وسىدان كەيىن زارداپ شەگۋشىنىڭ موبيلدى تەلەفونى بۇعاتتالىپ قالادى» ، - دەلىنگەن پوليتسيا حابارلاماسىندا.
ال كەلەسى جاعدايدا الاياقتار جالعان ساتىپ الۋشى رەتىندە ينتەرنەتتە ІРhone نەمەسە iPad-ىن ساتپاق بولعاندارمەن مەسسەندجەر ارقىلى حات الىسا باستايدى. جازىسۋ بارىسىندا الاياق ءوزىنىڭ ايكلاۋدى بارلىق مودەلدەرگە كەلە بەرمەيتىنىن ايتىپ، ءوزىنىڭ ايكلاۋدىمەن ІРhone -دى تەكسەرۋ ءۇشىن لوگينى مەن قۇپياسوزىن جىبەرەدى. زارداپ شەگۋشى البەتتە، ەش كۇمانسىز بوتەننىڭ ايكلاۋدىن ەنگىزەدى دە، كەيىن بارماق تىستەپ قالادى.
وسىدان كەيىن الاياقتار بۇعاتتالعان ۇيالى تەلەفوندى قايتا ىسكە قوسۋ ءۇشىن QIWI ەلەكتروندى تولەم ارقىلى اقشا جىبەرۋدى ۇسىنادى. حات الماسۋ بارىسىندا الاياق ءموبيلدى تەلەفوندى بۇعاتتتاۋدان شىعارۋعا ارنالعان تاريفتىك سەتكانىڭ تولىق نۇسقاۋىن جىبەرەدى.
قازىرگى ۋاقىتتا اتالمىش قىلمىستى جاسايتىن الاياقتاردى ىزدەستىرۋ جۇمىستارى جۇرگىزىلىپ جاتىر، سونىڭ ىشىندە جاڭا تەحنولوگيالاردى پايدالانۋ ارقىلى. پوليتسيا قىزمەتكەرلەرى ازاماتتارعا اباي بولۋعا شاقىرادى.
اۆتور: ايان بەكەن ۇلى