ۇلتتىق ۇلان قويان- قولتىق ۇرىستان حالىقارالىق تۋرنيردە ءبىرىنشى ورىن يەلەندى
تۋرنيردە قازاقستان رەسپۋبليكاسى ۇلتتىق ۇلانىنىڭ ساڭلاقتارى رەسەي، وزبەكستان، قىتاي ەلدەرىنىڭ سپورتشىلارىن جەڭىپ، جالپى كوماندالىق ەسەپتە ءبىرىنشى ورىن يەلەندى، دەپ حابارلايدى قازاقپارات ءتىلشىسى.
ايتا كەتسەك، اتالعان تۋرنيرگە 4 مەملەكەتتەن بارلىعى 19 كوماندا قاتىسقان بولاتىن. بوز كىلەمدە 150 دەن استام قويان- قولتىق ۇرىسىنىڭ شەبەرلەرى 9 ءتۇرلى سالماق كورسەتكىشى بويىنشا كۇش سىناستى.
حالىقارالىق تۋرنيرگە ۇلتتىق ۇلانمەن بىرگە، ر ف روسگۆاردياسى، ق ح ر حالىقتىق قارۋلانعان پوليسياسىمەن قاتار، العاش رەت وزبەكستان ۇلتتىق گۆاردياسى قاتىسىپ وتىر.
وسىمەن 4- رەت ۇيىمداستىرىلعان تۋرنير اسكەري قولدانبالى سپورت ءتۇرىن ناسيحاتتاي وتىرىپ، ونى ودان ءارى دامىتۋ جانە حالىقارالىق دەڭگەيدەگى سپورتشىلاردىڭ شەبەرلىگىن شىڭداپ، تاجىريبە الماسۋ، حالىقارالىق بايلانىستى نىعايتۋ ماقساتىن كوزدەيدى. سول سياقتى قوعامدى سالاۋاتتى ءومىر سالتىن ۇستاۋعا ۇندەپ، جاستاردى پاتريوتتىققا تاربيەلەۋمەن قاتار، تورەشىلەردىڭ دە كاسىبيلىگىن ارتتىرادى. ەڭ باستىسى، ۇلتتىق ۇلاننىڭ سپورتتىق كومانداسىن جاساقتاۋ جولىندا كىل مىقتىلاردى انىقتايدى.
ەكى كۇنگە سوزىلعان جەكپە- جەكتە ق ر ۇلتتىق ۇلانى جالپى كوماندالىق ەسەپتە ءبىرىنشى ورىن يەلەنسە، ەكىنشى ورىن - ر ف روسگۆاردياعا، ال ءۇشىنشى ورىن - وزبەكستان رەسپۋبليكاسىنىڭ ۇلتتىق گۆاردياسىنا بۇيىردى. ق ح ر حالىقتىق قارۋلانعان پوليسياسى ءتورتىنشى ورىندى مىسە تۇتتى.
«قازاقستان رەسپۋبليكاسىنىڭ تۇڭعىش پرەزيدەنتى - قارۋلى كۇشتەردىڭ جوعارعى باس قولباسشىسى نۇرسۇلتان نازاربايەۆ جاستاردىڭ اراسىندا سالاۋاتتى ءومىر سالتىن قالىپتاستىرۋعا، نىعايتۋعا، سپورتپەن شۇعىلدانۋعا بارلىق جاعداي جاساۋ كەرەكتىگىن بىرنەشە رەت اتاپ وتكەن بولاتىن. سپورتپەن شۇعىلدانۋ ءارقاشان دا مەملەكەتتىڭ نازارىندا. وزدەرىڭىز كورگەندەي، قازاقستاندا جاڭا سپورت كەشەندەرى، جاتتىعۋ جانە سپورت ورتالىقتارى، مەكتەپتەر اشىلۋدا. ونىڭ ءبارى جاستار ءۇشىن جاسالىپ جاتىر. بۇل تۋرنيردى وتكىزۋ 2012 -جىلدان بەرى داستۇرگە اينالعان بولاتىن. ءدال وسى قويان- قولتىق ۇرىسى سەكىلدى سپورت ءتۇرى ءتوزىمدى ءارى جىگەرلى اسكەري قىزمەتشىلەردى شىڭداپ شىعارادى. حالىقارالىق ءتۋرنيردىڭ ءساتتى وتۋىمەن شىن جۇرەكتەن قۇتتىقتايمىن» ، - دەدى جەڭىمپازداردى قۇتتىقتاعان بۇكىل قازاقستاندىق قويان- قولتىق ۇرىسى قاۋىمداستىعىنىڭ پرەزيدەنتى، ق ر قورعانىس ءمينيسترى نۇرلان ەرمەكبايەۆ.
ەكى كۇندىك ايتۋلى تۋرنيردە قازاقستان قورجىنىنا التىن مەدالدى قازاقستاندىق سپورتشىلاردان ساعىن قازىبەك (55 كەلى، 1 ورىن) ، باۋىرجان سۇلتانوۆ (60 كەلى، 1 ورىن) ، ءداۋىرجان سايلىبايەۆ (65 كەلى، 2 ورىن) پەن راحمەتوللا ساتىپالديەۆ (70 كەلى، 1 ورىن) ، دانيار زاينۋللين (75 كەلى، 2 ورىن) ، رۋستام اتابايەۆ پەن جاندوس اسقاربەك ۇلى (ەكەۋى دە 80 كەلى، 1 جانە 2 ورىن) ، تەمىرجان باساقايەۆ پەن سەرىك ءابىروۆ (90 كەلى، 1 جانە 2 ورىن) سالدى.