قازاق تىلىندە ەركىن سويلەگەن امەريكالىق جىگىت ەلدى تاڭعالدىردى - كەسكىن

استانا. قازاقپارات - اقتاۋدا تۇراتىن امەريكالىق ازامات قازاق تىلىندە ەركىن سويلەيدى. ونىمەن قاتار دومبىرادا ويناپ، قازاق اندەرىن شىرقايدى.

بۇل تۋرالى جەلى قولدانۋشىسى بەكجان قيمانوۆ جەلىدە جازىپ، ۆيدەو جاريالادى.

بەكجان قيمانوۆ شەتەلدىك ازاماتتى استاناداعى قوناق ءۇيدىڭ بىرىندە كەزىكتىرىپ سويلەسەدى.

«امەريكادان كەلگەن قوناعىمىز ءوزىن شىڭعىس اعا دەپ تانىستردى. ول قازاق تىلىندە ەركىن سويلەيدى» ، - دەيدى جەلى قولدانۋشىسى.

«شىڭعىس اعا» ايەلىمەن اقتاۋدا تۇرادى. ايتۋىنشا، جۇمىس بارىسىمەن ەلورداعا كەلگەن. ول قالانىڭ تازالىعىنا تاڭعالىپ، كوپشىلىكتى استاناعا كەلۋگە شاقىردى.

«اسسالاۋماعالەيكۋم، قۇرمەتتى قوناقتار! بارىڭىزگە راحمەت. ءبىز امەريكادا تۋعانبىز، ءبىراق اقتاۋدا تۇرىپ جاتىرمىز. استانانىڭ تازالىعى ۇنادى. قازاقستاننىڭ قوناقجايلىلىعى ۇنايدى. اللا تاعالا باتالار جاۋدىرا بەرسىن. ەلىمىزدە تىنىشتىق پەن بەيبىتشىلىك بولسىن»، - دەيدى شەتەلدىك ازامات.