جانار- جاعارمايمەن جۇرەتىن كولىكتەردىڭ ءوندىرىسى تولىقتاي توقتاۋى مۇمكىن
وسى جانە وزگە دە ماسەلەر بۇگىن استانا تورىندەگى ماشينا جاساۋشىلاردىڭ فورۋمىندا تالقىلاندى. ماشينا جاساۋشىلاردىڭ فورۋمى قازىر ءداستۇرلى شاراعا اينالىپ شىعا كەلدى. بيىلعى باسقوسۋعا 20 ەلدەن مىڭعا جۋىق دەلەگات جينالعان. ولاردىڭ اراسىندا وتاندىق جانە شەتەلدىك اۆتووندىرۋشىلەر مەن ءىرى بيزنەس وكىلدەرى بار. كوبىنىڭ ماقساتى ءبىر. كەلەلى كەزدەسۋلەر وتكىزىپ، ۇتىمتى كەلىسىمدەر جاساۋ.
ال فورۋمنىڭ باستى ەرەكشەلىگى دەپ، الداعى 11 جىلعا ارنالعان كەشەندى جوسپار بەكىتىلگەنىن ايتار ەدىم.
ەربول سەيپىلوۆ، قازاقستان اۆتوبيزنەس قاۋىمداستىعىنىڭ تەحنيكالىق رەتتەۋ بويىنشا ديرەكتورى:
- كەشەندى جوسپاردىڭ ماقساتى - بارلىق ماشينا جاساۋ سالالارىنىڭ 11 جىلدا دامۋ ستراتەگياسىن قابىلداۋ. ياعني قانشا كولەمدە تاۋار شىعاراتىنى، ەكسپورت كولەمى جانە مەملەكەت تاراپىنان قانداي كومەك كورسەتىلەتىنى انىقتالاتىن بولادى.
مامانداردىڭ ايتۋىنشا، قازاقستاندا جاسالاتىن كولىكتەرگە سۇرانىس ارتىپ كەلەدى. ماسەلەن، بيىل ەلىمىزدە ساتىلعان تەمىر تۇلپاردىڭ 47 پايىزى وتاندىق ۇلەسكە تيەسىلى جانە كورسەتكىش الدىڭعى جىلمەن سالىستىرعاندا، الدەقايدا ارتىق. بۇل - ءبىر جاعىنان مەملەكەت جاسايتىن قولداۋدىڭ ارقاسى. ەندى وسى قارقىننان تايماۋ كەرەك. ءتىپتى، كەرەك بولسا، «ونىمدىلىكتى ودان سايىن ارتتىرۋعا كۇش سالامىز»، - دەيدى فورۋمدا ءسوز العاندار.
ۆاديم شاقشاقبايەۆ، «پەتروپاۆل اۋىر ماشينا جاساۋ زاۋىتى» اق باس ديرەكتورى:
- ماشينا جاساۋ سالاسى تەك كولىك قۇراستىرۋدان تۇرمايدى. بۇدان بولەك، ءار ءتۇرلى قۇرال- سايماندار، قوسالقى بولشەكتەر جانە اۋىل شارۋاشىلىعى تەحنيكاسىن ءوندىرۋ بار. بارلىق باعىتقا دا جان ءبىتىرىپ، قارقىندى دامۋىنا اتسالىسۋىمىز كەرەك. ياعني اقشانى سىرتقا شاشپاي، ءوز ەكونوميكامىزعا قىزمەت ەتەتىندەي جاعداي جاساساق دەيمىز.
فورۋمدا رەسمي قاتىسۋشىلاردان بولەك، ستۋدەنتتەردىڭ دە قاراسى كوپ ەكەنىن بايقادىق. ويتكەنى اۆتوونەركاسىپ سالاسىنداعى كومپانيالار بوس جۇمىس ورىندارىنىڭ جارمەڭكەسىن دە ۇيىمداستىردى. قازاقستانداعى ماشينا جاساۋ ونەركاسىبى سوڭعى 5 جىلدا كەڭ ءورىس الدى. 2014 -جىلى وتاندىق ءوندىرىس وشاقتارى 370 ميلليارد تەڭگەنىڭ ءونىمىن شىعارعان. قازىر بۇل كورسەتكىش 2,3 ەسە ارتىپ، 870 ميلليارد تەڭگەنى بۇتىندەدى. بۇگىندە وتاندىق وڭدەۋ ونەركاسىبىندەگى ماشينا جاساۋ سەكتورىنىڭ ۇلەسى 14,5 پروتسەنت شاماسىندا.
www.24.kz