پروكۋراتۋرا: جەدەل جاردەم جۇرگىزۋشىسىن ۇرعان ادامنىڭ بوستاندىققا شىعۋى - زاڭدى

الماتى. قازاقپارات - الماتى پروكۋراتۋراسىندا جەدەل جاردەم جۇرگىزۋشىسىن ۇرعان تۇركيا ازاماتى ءالي دەمير نەگە كەپىلدەمەمەن بوساتىلعانىنا تۇسىنىكتەمە بەردى، دەپ حابارلايدى قازاقپارات ءتىلشىسى.

باقىلاۋ ورگانى تۇركيانىڭ ازاماتى ءالي دەميردىڭ بۇزاقىلىق ارەكەتىنە بايلانىستى ق ر ق ك 293-بابىنىڭ 1-بولىگىمەن سوتقا دەيىنگى تەرگەۋ جۇمىستارى قولعا الىندى.

«قوعامنىڭ قىزۋ تالقىلاۋىنا تۇسكەن سوڭ دەمير ە. ا الماتىداعى قالالىق ءى ءى د ۋاقىتشا وقشاۋلاۋ ورنىنا قامالدى. 20 - قىركۇيەكتە المالى اۋداندىق پروكۋراتۋراسىنا تەرگەۋشىنىڭ قۇقىق بۇزۋشىنى قاماۋعا الۋ تۋرالى ارىزى تۇسكەن. قىلمىستىق كودەكس بويىنشا تەك 5 جىلدان اسا تۇرمەگە قامالۋ جازاسى قاراستىرىلعان قىلمىستار بويىنشا عانا قاماۋعا الۋ بۇلتارتپاۋ شاراسى قابىلدانادى»، - دەلىنگەن حابارلامادا.

ءالي دەمير اسا اۋىر ەمەس قىلمىس جاسادى دەگەن كۇدىك بار. بۇل قىلمىسى ءۇشىن وعان ارى كەتكەندە 2 جىلعا باس بوستاندىعىنان ايىرۋ جازاسى بولۋى مۇمكىن.

 «ول تۇركيا ازاماتى ەكەنىنە قاراماستان ول قازاقستان ازاماتشاسىنا ۇيلەنگەن. بالاسى بار. تۇراقتى تىركەلگەن مەكەنجايى بويىنشا تۇرادى. قىلمىستىق تەرگەۋ ورىندارىندا ونىڭ بۇعان دەيىن قىلمىس جاساماعانى انىقتالعان. پروكۋراتۋرا كۇدىكتىنىڭ تەرگەۋ ىسىنە كەدەرگى كەلتىرەتىنىنە ءشۇبا كەلتىرىپ وتىر»، - دەدى پروكۋراتۋرانىڭ باسپا ءسوز قىزمەتىنەن.

قازىر ءالي دەمير كەپىلمەن بوساتىلدى.

ال قالالىق ءى ءى د تەرگەۋ باسقارماسى المالى اۋداندىق پروكۋراتۋراسىنىڭ كەپىلمەن بوساتۋ تۋرالى شەشىمىنە قارسى شىققان بولاتىن.

ەسكە سالا كەتسەك، الماتىدا جولعا تالاسقان ازامات جەدەل جاردەم جۇرگىزۋشىسىن سوققىعا جىقتى. سول كۇنى الماتى پوليتسياسى 1990 -جىلى تۋعان تۇركيا ازاماتىن، ياعني فولكسۆاگەن پاسسات كولىگىنىڭ جۇرگىزۋشىسىن ۇستادى.

13 جىلدان بەرى جەدەل جاردەمدە جۇمىس ىستەيتىن نيكولاي كۋچما اشۋشاڭ جۇرگىزۋشىنى جازاسىز قالدىرماۋعا بەكىنىپ وتىر.

اۆتور: گۇلميرا عوسمانالي