لوندوندا ۇيقىسى قانباي جۇرگەندەرگە ارنالعان قوناقۇي اشىلدى

استانا. قازاقپارات - جۇمىس كەزىندە ۇيقىسى قانباي، شارشاپ جۇرگەن لوندوندىقتار ماسەلەنىڭ شەشىمىن تاپقان سىڭايلى. شاھاردا Pop & Rest دەپ اتالاتىن قوناقۇي اشىلدى.

 ونىڭ ەرەكشەلىگى -  جۇمىسباستىلار بۇل جەردە كوزدىڭ شىرىمىن الىپ، 1 ساعات دەمالىپ الادى. ول ءۇشىن بارلىق جاعداي جاسالعان. قۇلاققا جاعىمدى اۋەن مەن جۇپار ءيىس كىمنىڭ دە بولسىن كوڭىلىنەن شىعادى.

مۇنداي كاپسۋلادا تىنىعامىن دەۋشىلەر 15 فۋنت تولەيدى. جوبانى ىسكە اسىرۋشىلاردىڭ ايتۋىنشا، قوناقۇيگە كەلۋشىلەردىڭ باسىم بولىگى فريلانسەرلەر. كەلەشەكتە بۇل بيزنەس ەۋروپا نارىعىنا شىعۋى بەك مۇمكىن.

www.24.kz