الماتىدا پسيحيكالىق اۋرۋحانادان قاشىپ كەتكەن ءۇش جاسوسپىرىم تابىلماي جاتىر
14 جاستاعى مارگاريتا كوزلوۆانى اناسى دۇيسەنبى كۇنى اباي مەن سەيفۋللين قيىلىسىنداعى رەسپۋبليكالىق پسيحولوگيالىق دەنساۋلىق ورتالىعىنا جاتقىزعان.
اناسى فايمانىڭ ايتۋىنشا، قىزىنىڭ كوزىنە قوس كورىنە باستاعان.
«سارسەنبى كەشكى 17:00 شاماسىندا 13, 16, 14 جاستاعى جاسوسپىرىمدەر اۋرۋحانادان قاشىپ كەتكەن. ولاردىڭ قاشىپ شىققان ءساتى سىرتقى باقىلاۋ كامەرالارىنا ءتۇسىپ قالعان. بىردەن پوليتسياعا حابار بەرىلدى. بۋران ەكيپاجى كەلىپ، دەرەكتى تىركەدى. سودان بەرى ءۇشىنشى تاۋلىككە كەتىپ بارادى بالالار تابىلمادى. قاسىنداعى 13 جانە 16 جاستاعى بالا مەن قىز بۇرىن دا قاشىپ ۇيرەنگەن دەپ ەستىدىم. ال مەنىڭ قىزىم ۇيدەن شىقپايتىن. مەنىڭ ويىمشا، ول انا ەكى بالانىڭ ىقپالىمەن كەتتى»، - دەدى فايما.
مارگاريتانىڭ ۇستىندە جاسىل جەمپىر بولعان. شاشى سارى، اقسارى قىز. اناسى كورگەن ادامدار بولسا، حابارلاسۋلارىن ءوتىندى.
قالالىق ءى ءى د باسپا ءسوز قىزمەتى حابارلاعانداي، قازىر جاسوسپىرىمدەردى ىزدەستىرۋمەن المالى اۋداندىق ءى ءى د اينالىسىپ جاتىر.
«ءۇش پاتسيەنت (ناۋقاس) كەتىپ قالعان. ولاردىڭ سيمتوماتيكاسىنا كەلسەك، ولاردا درومومانيا بەلگىلەرى بايقالعان. بۇل ۇيدەن كەتىپ قالۋ، كەزبەلىككە بەيىمدىلىك دەگەندى بىلدىرەدى. قازىر ولاردى ءبىزدىڭ قىزمەتكەرلەر دە، پوليتسيا دا ىزدەستىرىپ جاتىر»، - دەدى رەسپۋبليكالىق عىلىمي- پراكتيكالىق پسيحياتريالىق دەنساۋلىق ورتالىعى باس ديرەكتورىنىڭ ورىنباسارى قۋانىش التىنبەكوۆ.
ورتالىقتىڭ مەديتسينالىق قىزمەت ساپاسىن باقىلاۋ ءبولىمىنىڭ باسشىسى اجار ابەيەۆانىڭ ايتۋىنشا، اتالعان دەرەك بويىنشا قازىر ىشكى تەكسەرۋ ءجۇرىپ جاتىر.
«بۇل جەردە كلينيكالىق پروتوكولدان نەگىزسىز اۋىتقۋ دەرەگى بولدى ما الدە قىزمەتكەرلەر مىندەتىن دۇرىس اتقارمادى ما سول ماسەلەلەر قارالادى. وسى ءتارتىپ بۇزۋشىلىقتار تىركەلگەن انىقتالعان جاعدايدا سايكەسىنشە شارا قابىلدانادى. بۇل جاعدايدا ىشكى ءتارتىپ بۇزىلعان. مەنىڭ ويىمشا، تاربيەشىنىڭ نازارىن ادەيى باسقاعا بۇرىپ، ۇرىمتال تۇستى پايدالانعان جاسوسپىرىمدەر شىعىپ كەتكەن. بالالاردىڭ ءبىرى ينيتسياتور بولىپ، قالعانى ونىڭ ارتىنان ەرىپ كەتۋى مۇمكىن»، - دەدى اجار ابەيەۆا.
اۆتور: گۇلميرا عوسمانالي