زاڭ شىعارۋ پروتسەسىنە اتۇستى قاراۋدى توقتاتۋ قاجەت - توقايەۆ

None
None
استانا. قازاقپارات - زاڭ شىعارۋ پروتسەسىنە اتۇستى قاراۋدى توقتاتۋ قاجەت. بۇل تۋرالى بۇگىن ق ر پارلامەنتى سەناتىنداعى زاڭ شىعارۋ پروتسەسىن جەتىلدىرۋ ماسەلەلەرى جونىندەگى ۇكىمەت ساعاتىندا جوعارى پالاتا سپيكەرى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«زاڭ شىعارۋ پروتسەسى شىن مانىندە ودان ارى جەتىلدىرۋدى تالاپ ەتەدى. بۇل جەردە كاسىبي تۇرعىدان اشىق تالقىلايتىن ماسەلەلەر از ەمەس. تۇپتەپ كەلگەندە ازاماتتاردىڭ ءال-اۋقاتى، مەملەكەتتىڭ زاڭ شىعارۋ جۇيەسىنىڭ ساپاسىنا تىكەلەي بايلانىستى. ەلىمىزدە قابىلدانعىپ جاتقان زاڭداردىڭ ساپاسى قانداي؟ ولاردىڭ مازمۇنى قازاقستان ازاماتتارىنا تۇسىنىكتى مە؟ ءبىز وسى ماسەلەلەردى ەگجەي-تەگجەيلى قاراستىرۋىمىز قاجەت»، - دەپ اتاپ ءوتتى سەنات ءتوراعاسى.

سونىمەن قاتار ول مەملەكەت باسشىسى رەفورمالارىنىڭ نەگىزى، اتاپ ايتقاندا قازاقستاننىڭ ەكونوميكاسى مەن ساياساتىندا تەرەڭ جاڭعىرتۋلار جۇرگىزۋ، ەلىمىزدى الدىڭعى قاتارلى مەملەكەتكە اينالدىرۋ ستراتەگياسىن جۇزەگە اسىرۋ ءۇشىن زاڭ شىعارۋ پروتسەسىنە اتۇستى قاراۋدى توقتاتۋ كەرەكتىگىن باسا ايتتى.

«بۇل ماڭىزدى ىسكە جاڭاشا كوزقاراس قالىپتاستىرۋدى قاجەت ەتەدى. ەلىمىزدەگى رەفورمالاردىڭ قارقىنى مەن مازمۇنىن قامتاماسىز ەتۋگە قابىلەتتى جاڭعىرتىلعان زاڭنامالىق بازا قۇرۋ - پارلامەنت دەپۋتاتتارى جۇمىسىنىڭ نەگىزگى ماقساتى. مەملەكەت باسشىسى ءبىزدىڭ الدىمىزعا ءدال وسىنداي مىندەت قويىپ وتىر. پارلامەنتتىڭ وكىلەتتىلىگىن كۇشەيتۋ جۇمىسى زاڭ شىعارۋشى تۇلعالاردىڭ زاڭ جوبالارىن ازىرلەۋ جانە ولارعا باستاماشىلىق جاساۋ ءتارتىبىن رەتتەۋدى تالاپ ەتەدى»، - دەدى قاسىم-جومارت توقايەۆ.

سوڭعى جاڭالىقتار