ءتىلىن جۇتىپ قويعان: «قورعاس» اۋماعىندا سوققىعا جىعىلعان شەكاراشى اۋىر جاعدايدا جاتىر
سالدارىنان جاعى سىنىپ، ءتىلىن جۇتىپ قويعان شەكاراشىعا سول جەردە جۇرگەن ساۋداگەرلەر مەن تۋريستەر كومەك بەرىپتى. ءتۇرلى جاراقاتپەن اۋرۋحاناعا جەتكىزىلگەن جىگىت اۋىر جاعدايدا جاتىر، دەپ حابارلايدى «ك ت ك» ارناسى.
وقيعا 19 قىركۇيەكتە، كەشكى ساعات 17:00 شاماسىندا ورىن العان. كۇتپەگەن جەردەن سوققى العان اسكەري قىزمەتكەر ەسىنەن تانىپ، قۇلاپ قالعان ەكەن. سالدارىنان باسى جارىلعان جىگىتتىڭ قانسىراپ جاتقانىن كورگەندەر ونى ءولىپ قالدى دەپ ويلاعان. ول ءبىرشاما ۋاقىتتان كەيىن عانا ەسىن جيىپتى.
وقيعا كۋاگەرلەرىنىڭ سوزىنشە، بەلگىسىز بىرەۋ ءوزىن «قورعاستىڭ قىزمەتكەرىمىن» دەپ تانىستىرىپ، كەزەككە قاراماستان قۇجاتسىز ءوتىپ كەتپەك بولىپتى. ءوز كەزەگىندە شەكاراشى نۇرجان مولداش ونىڭ جولىن بوگەپ، وتكىزبەي قويعان. سالدارىنان ەكەۋى ەرەگەسىپ قالىپ، شەكاراشى سوققى الىپتى. سوققىنىڭ قاتتى تيگەنى سونشا، ول ءتىلىن جۇتىپ قويعان. وعان سول جەردە بولعان ساۋداگەرلەر كومەك كورسەتىپتى. ارتىنشا 25 جاستاعى جىگىتتىڭ ميى شايقالىپ، جاعى سىنعانى انىقتالدى.
«كەلىپ تۇسكەن كەزدە باس مي جاراقاتى، باس ميىنىڭ شايقالۋى، تومەنگى جاقتىڭ سىنۋى دياگنوزى قويىلدى. نيەۆروپوتولوگ، وكۋليست، ءتيىستى مامانداردان كەڭەس الىندى. قاجەتتى ەم جۇرگىزىلى جاتىر»، - دەيدى تراۆماتولوگيا ءبولىمىنىڭ مەڭگەرۋشىسى جومارت نۇراحانوۆ.
جاس جىگىت جاركەنتتەگى پانفيلوۆ اۋداندىق ورتالىق اۋرۋحاناسىندا اۋىر جاعدايدا جاتىر. قازىرگى ۋاقىتتا نۇرجاندى الماتىداعى گوسپيتالعا جەتكىزۋ ماسەلەسى شەشىلۋدە.
بالامنىڭ ەشقانداي كىناسى جوق. ول وقۋىن بىتىرگەن ءتارتىپتى بالا»، - دەيدى شەكاراشى نۇرجان مولداشتىڭ اناسى جانار تولىبايەۆا.
«قورعاستىڭ» ح ش س و باسشىلارىنىڭ سوزىنشە، وقيعاعا، كەرىسىنشە، سوققى العان شەكاراشى كىنالى. ولار توبەلەستى نۇرجاننىڭ ءوزى باستاعانىن ايتىپ وتىر.
ال شەكاراشىنى سوققىعا جىعىپ، جاعىن سىندىرعان 27 جاستاعى ءازىلحان ءازىمحان تۇتقىندالدى. بەلگىلى بولعانداي، ول قىتاي ءتىلىنىڭ اۋدارماشىسى بوپ جۇمىس ىستەگەن. سونىمەن قاتار ول قويان-قولتىق كۇرەستەن چەمپيون كورىنەدى.
ەستەرىڭىزگە سالا كەتسەك، 19- قىركۇيەكتە قىتايمەن شەكارادا ورنالاسقان «قورعاس» حالىقارالىق شەكارالىق سەرىكتەستىك ورتالىعىنىڭ اۋماعىندا اسكەري قىزمەتكەر سوققىعا جىعىلعان ەدى. سالدارىنان شەكاراشى جاراقات الىپ، اۋرۋحاناعا جەتكىزىلگەن. ال وقيعا ورنىندا بولعان كۋاگەرلەر بولعان جايتتى ۆيدەوعا ءتۇسىرىپ الىپ، جەلىدە تاراتىپ جىبەرگەن.