ەرەكشە شاشپەن تۋىلعان عاجايىپ سابيلەر كىمدەر؟

 استانا. قازاقپارات - ادەتتە بالالار تۋىلا سالا قالىڭ شاشقا يە بولمايدى. دەگەنمەن تابيعات انا ەرەكشەلىك سىيلاعان سابيلەردە بارلىعى وزگەشە.

Lemurov.net سايتىنا سىلتەمە جاساعان NUR. KZ پورتالى كىشكەنتايىنان عالامتور جۇلدىزىنا اينالعان بالالار تۋرالى قىزىقتى مالىمەتتەر ۇسىنادى.

شيلا كالۆەرت-ين

ءتورت جاسار شيلا ەشقاشان شاشىن تاراتپايدى. تابيعاتىنان ەرەكشە ءسابيدىڭ شاش ءتۇيىنى وزگەشە فورمالى ەكەن. سوندىقتان ولار ۇنەمى جوعارى قاراپ، كوتەرىلىپ تۇرادى.

فيبي براسۋەلل.

كىشكەنتاي امەريكالىق ارۋ دا شيلا سەكىلدى گەنەتيكالىق اۋىتقۋمەن تۋىلعان. سوندىقتان شاشتارى ەرەكشە تۇردە كوتەرىلىپ تۇرادى.

ميا افلافو

5 جاسار يزرايل تۇرعىنى ءوزىنىڭ وتە قالىڭ شاشىنىڭ ارقاسىندا Instagram جۇلدىزىنا اينالىپ ۇلگەرگەن. كوپشىلىك كەيدە ونىڭ شاشى جاساندى ەمەس پە دەپ كۇدىكتەنەدى. الايدا ول تابيعاتىنان سولاي جاراتىلعان قولاڭ شاشتى ارۋ.

اريا بيلگين دە دۇنيەگە قالىڭ شاشىمەن كەلگەن. وعان ءتىپتى دارىگەرلەر دە تاڭعالعان كورىنەدى. اناسىنىڭ ايتۋىنشا، ول دا كىشكەنتايىنان شاشى قالىڭ قىز بولعان. الايدا وسىنشالىق ەمەس دەيدى ول.

اريانىڭ جاسى قازىر ەكىدە. ءبىراق ونىڭ كىشكەنتايلىعىنا قاراماستان، مودەلدىك اگەنتتىكتەر ونىمەن جۇمىس ىستەۋگە جاقسى ۇسىنىستار ايتىپ، بۇگىندە ءسابي ەرەسەكتەرشە جۇمىس ىستەيدى.