اۋا رايى: جۇما كۇنى ەلىمىزدە جەل كۇشەيىپ، جاڭبىر جاۋادى
سينوپتيكتەردىڭ بولجامىنشا، جۇما كۇنگى اۋا رايى تسيكلون جانە سوعان ىلەسە كەلەتىن اتموسفەرالىق اعىندارعا بايلانىستى بولادى. ەلىمىزدىڭ سولتۇستىگى مەن سولتۇستىك-باتىسىنىڭ كەي جەرلەرىندە تۇمان كۇتىلەدى.
اقمولا وبلىسىنىڭ كەي جەرلەرىندە تۇمان كۇتىلەدى، بۇرشاق جاۋۋى مۇمكىن، تۇندە كەي جەرلەرىندە، كۇندىز باسىم بولىگىندە جەل 15-20، ەكپىنى 25 م/س كۇشەيۋى كۇتىلەدى.
الماتى، جامبىل، قوستاناي، قاراعاندى، شىعىس قازاقستان، كۇندىز تۇركىستان، قىزىلوردا وبلىستارىنىڭ كەي جەرلەرىندە جەل 15-22 م/س كۇشەيۋى كۇتىلەدى، الماتى وبلىسىندا شاڭدى داۋىل سوعادى.
قوستاناي وبلىسىنىڭ كەي جەرلەرىندە تۇمان كۇتىلەدى. سولتۇستىك قازاقستان وبلىسىنىڭ كەي جەرلەرىندە بۇرشاق جاۋۋى ىقتيمال، جەل 15-20، كۇندىز ەكپىنى 25 م/س كۇشەيۋى كۇتىلەدى.
قىزىلوردا، تۇركىستان، ماڭعىستاۋ، جامبىل وبلىستارىنىڭ باسىم بولىگىندە، اتىراۋ، باتىس قازاقستان، اقتوبە جانە قاراعاندى وبلىستارىنىڭ كەي جەرلەرىندە جوعارى ءورت قاۋىپى ساقتالادى.