ورالدا رەسپۋبليكالىق دومبىراشىلار بايقاۋىنىڭ جەڭىمپازدارى انىقتالدى

None
None
ورال. قازاقپارات - ورالداعى جاستار مادەنيەت ۇيىندە قۇرمانعازى ساعىرباي ۇلىنىڭ 200 جىلدىعىنا ارنالعان رەسپۋبليكالىق دومبىراشىلار بايقاۋىنىڭ جەڭىمپازدارى انىقتالدى، دەپ حابارلايدى قازاقپارات ءتىلشىسى.

ەكى كۇنگە سوزىلعان ايتۋلى كۇي دوداسىنا استانا، الماتى قالالارى مەن قىزىلوردا، اتىراۋ، قوستاناي، تۇركىستان جانە باتىس قازاقستان وبلىسىنان بارلىعى 18 ۇمىتكەر قاتىسىپ، باق سىنادى.

ورالدا رەسپۋبليكالىق دومبىراشىلار بايقاۋىنىڭ جەڭىمپازدارى انىقتالدىبايقاۋدىڭ العاشقى كەزەڭىندە دومبىراشىلار قۇرمانعازىنىڭ «بايجۇما»، «اقباي»، قازانعاپتىڭ «جۇرتتا قالعان»، تاتتىمبەتتىڭ «سارجايلاۋ»، داۋلەتكەرەيدىڭ «اڭشىلىق» كۇيلەرىن تارتتى. ەكىنشى كەزەڭدە قۇرمانعازىنىڭ «تەرىسقاقپاي»، «اربا سوققان»، ورىنشانىڭ «بايجۇما»، ەسىردىڭ «اقجارما»، ءاشىمتايدىڭ «قوڭىر قاز» كۇيلەرىن ناقىشىنا كەلتىرە ورىندادى. ۇزدىكتەر ىرىكتەلىپ، فينالدىق اينالىمعا جولداما الدى.



ورالدا رەسپۋبليكالىق دومبىراشىلار بايقاۋىنىڭ جەڭىمپازدارى انىقتالدىسايىس قورىتىندىسىندا باتىس قازاقستاننىڭ بوكەي ورداسى اۋدانىنان تۇلەپ ۇشقان قۇرمانعازى اتىنداعى قازاق ۇلتتىق كونسەرۆاتورياسىنىڭ 4-كۋرس ستۋدەنتى جاسقايرات مۇقاشەۆ باس جۇلدەنى جەڭىپ الدى. ورالدىق جاسۇلان زينەدەنوۆكە ءبىرىنشى، الماتىلىق اقبوكەن تەمىرگە ەكىنشى ورىن بۇيىردى. تاعى ءبىر الماتىلىق قايرات جۇماعاليەۆ ءۇشىنشى جۇلدەگە يە بولدى.



ورالدا رەسپۋبليكالىق دومبىراشىلار بايقاۋىنىڭ جەڭىمپازدارى انىقتالدىقازىلار القاسىنىڭ ءتوراعاسى، بەلگىلى دومبىراشى، ق ر ەڭبەك سىڭىرگەن مادەنيەت قىزمەتكەرى، «قۇرمەت» وردەنىنىڭ يەگەرى، ع. قۇرمانعاليەۆ اتىنداعى ب ق و فيلارمونياسىنىڭ ءارتىسى ەرمەك قازيەۆتىڭ ايتۋىنشا، بايقاۋ ءبىرشاما ءوسىپ كەلە جاتقان جاس ورىنداۋشىلاردىڭ بار ەكەندىگىن كورسەتتى. ەندى ولار وسى ۇلتتىق ونەردى ودان ءارى دامىتۋ جولىندا كوبىرەك ىزدەنىپ، ەرىنبەي ەڭبەكتەنە بەرۋلەرى كەرەك.

سوڭعى جاڭالىقتار