كانەلونىڭ پروموۋتەرى بوكسشىنىڭ پروبلەماسى تۋرالى ايتتى

استانا. قازاقپارات - ساۋل الۆارەستىڭ (50-1-2، 34 ك و) پروموۋتەرى وسكار دە لا حويا بوكسشىنىڭ HBO تەلەارناسىمەن اياقتالۋعا جاقىن كەلىسىمشارتى تۋرالى ايتتى، دەپ حابارلايدى Sports.kz.

«بۇل، «كانەلونىڭ» HBO- داعى سوڭعى ايقاسى بولعان سياقتى. ءبىراق، ءبىز جاقسى سەرىكتەستەرمىز. سوندىقتان ولاردىڭ كەلىسسوزدەر جاساۋعا قۇقىقتارى بار. ءبىزدىڭ پروموۋتەرلىك جۇمىسىمىز - «كانەلوعا» ۇزدىك مامىلە جاساۋ. قاي ۇسىنىستىڭ ءتيىمدى بولاتىنىن قاراستىرامىز. مەيلى ول ESPN، DAZN، Facebook نەمەسە ءتىپتى Showtime بولسىن، تارازىعا سالىپ كورەمىز»، - دەدى دە لا حويا.

ەسكە سالايىق، گولوۆكين - «كانەلو» رەماتچى 16- قىركۇيەك كۇنى امەريكا قۇراما شتاتتارىنىڭ لاس-ۆەگاس قالاسىندا ءوتتى. ناتيجەسىندە وتانداسىمىز تورەشىلەر شەشىمىمەن (113-115، 114-114، 113-115) جەڭىلىپ، WBA Super، WBC جانە IBO تۇجىرىمدارى بويىنشا ورتا سالماقتاعى چەمپيوندىق بەلدىكتەرىنەن ايىرىلدى. ولاردىڭ ءبىرىنشى ايقاسى بىلتىر تەڭ اياقتالعان ەدى.