اۋا رايى: تاعى ەكى وبلىستا ەسكەرتۋ جاريالاندى

استانا. قازاقپارات - رەسپۋبليكانىڭ تاعى ەكى وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات.

«قازگيدرومەت» ر م ك اقپاراتى بويىنشا، 20-21- قىركۇيەكتە قىزىلوردا وبلىسىنىڭ كەي جەرلەرىندە كۇن كۇركىرەپ، داۋىل بولادى. باتىستان، وڭتۇستىك-باتىستان سوققان جەلدىڭ جىلدامدىعى 15-20، ەكپىنى 23-28 م/س-كە جەتەدى.

21- قىركۇيەكتە قوستاناي وبلىسىنىڭ كەي جەرلەرىندە نايزاعاي ويناپ، تۇمان تۇسەدى. سولتۇستىك-باتىستان 15-20 م/س جىلدامدىقتا جەل تۇرادى.

بۇدان بۇرىن استانا، اقمولا جانە سولتۇستىك قازاقستان وبلىستارىندا ەسكەرتۋ جاريالانعان ەدى.