استانادا جەكپە-جەكتەن حالىقارالىق تۋرنير ءوتىپ جاتىر
بوز كىلەمدە 150 دەن استام جەكپە-جەك شەبەرلەرى 9 ءتۇرلى سالماق كورسەتكىشى بويىنشا كۇش سىناسۋدا.
حالىقارالىق تۋرنيرگە ءوز ەلىمىزبەن قاتار، رەسەيدىڭ ۇلتتىق ۇلانى، قىتايدىڭ حالىقتىق قارۋلانعان پوليتسياسىمەن قاتار، العاش رەت وزبەكستان ۇلتتىق ۇلانى قاتىسىپ وتىر.
«جارىس جەكە-كوماندالىق، توپتارعا ءبولىنۋ جۇيەسى، وليمپيادالىق جۇيە بولىپ بىرنەشە تۇرگە بولىنەدى. قاتىسۋشىلاردىڭ جەكە ناتيجەلەرى مەن ورىندارى وزدەرىنىڭ سالماق ساناتتارىنا بايلانىستى انىقتالادى. كوماندالىق ەسەپتە قاتىسۋشى جەڭىمپازدار ەسەبىنەن ورىن العان ۇپاي مولشەرى بويىنشا انىقتالادى. جەڭىمپاز كوماندا قازاقستان رەسپۋبليكاسى ۇلتتىق ۇلانى باس قولباسشىسىنىڭ كۋبوگىمەن، ديپلوم جانە باعالى سىيلىقپەن ماراپاتتالادى»، - دەيدى پولكوۆنيك، ق ر ۇلتتىق ۇلان باس قولباسشىسىنىڭ سپورت جانە دەنە شىنىقتىرۋ قىزمەتىنىڭ باسشىسى جانبولات احمەتوۆ.
وسىمەن 4-رەت ۇيىمداستىرىلىپ وتىرعان جەكپە-جەك تۋرنيرى اسكەري قولدانبالى سپورت ءتۇرىن ناسيحاتتاي وتىرىپ، ونى ودان ءارى دامىتۋ جانە حالىقارالىق دەڭگەيدەگى سپورتشىلاردىڭ شەبەرلىگىن شىڭداپ، تاجىريبە الماسۋ، حالىقارالىق بايلانىستى نىعايتۋ ماقساتىن كوزدەيدى. سول سياقتى قوعامدى سالاۋاتتى ءومىر سالتىن ۇستانۋعا ۇندەپ، جاستاردى پاتريوتتىققا تاربيەلەۋمەن قاتار، تورەشىلەردىڭ دە كاسىبيلىگىن ارتتىرادى. ەڭ باستىسى، ۇلتتىق ۇلاننىڭ سپورتتىق كومانداسىن جاساقتاۋ جولىندا كىل مىقتىلاردى انىقتايدى.
ەكى كۇن بويى «داۋلەت» سپورت كەشەنىندە وتەتىن ايتۋلى شارا استانا قالاسىنىڭ 20 جىلدىعىنا ارنالىپ، ق ر مادەنيەت جانە سپورت مينيسترلىگىنىڭ ۇيىمداستىرۋىمەن ءوتىپ جاتىر. وعان سونداي-اق، ۇلتتىق ۇلان باس قولباسشىلىعى جانە قازاقستاندىق جەكپە-جەك سايىسى فەدەراتسياسى قولداۋ كورسەتىپ وتىر. جارىستىڭ جالپى جۇلدە قورى - 1 ميلليون تەڭگە.