مينيستر ابايەۆ «اشىق ۇكىمەتتى» ىلگەرىلەتۋ جوسپارىمەن تانىستىردى
بۇل تۋرالى بۇگىن ق ر پرەزيدەنتى جانىنداعى ادام قۇقىقتارى جونىندەگى كوميسسيانىڭ وتىرىسىندا اقپارات جانە كوممۋنيكاتسيالار ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.
كوميسسيا وتىرىسىندا داۋرەن ابايەۆ اقپارات جانە كوممۋنيكاتسيالار مينيسترلىگىنىڭ «اشىق ۇكىمەت» قاعيداتتارىن ىلگەرىلەتۋ بويىنشا جوسپارىنا كەڭىنەن توقتالدى.
«بىرىنشىدەن، ەكونوميكالىق ىنتىماقتاستىق جانە دامۋ ۇيىمىنىڭ ۇسىنىمدارىن ەسكەرە وتىرىپ، ونى جەتىلدىرۋ بويىنشا ۇسىنىستار ازىرلەۋ، زاڭنىڭ قۇقىق قولدانۋ تاجىريبەسىنە تەرەڭ تالداۋ جۇرگىزۋ. ەكىنشىدەن، ۇزدىك تاجىريبەلەر نەگىزىندە «اشىق ۇكىمەتتى» ىلگەرىلەتۋ جانە دامىتۋ ستراتەگياسىن، تۇجىرىمداماسىن ازىرلەۋ. ۇشىنشىدەن، حالىقتى تارتۋ جانە كەرى بايلانىس ارقىلى «اشىق ۇكىمەت» پورتالدارىن دامىتۋ جانە تانىمال ەتۋ»، - دەپ اتاپ ءوتتى داۋرەن ابايەۆ.
سونىمەن قاتار تورتىنشىدەن، 2019-جىلى اقپاراتتىق اكتيۆتەردى تولىق تۇگەندەۋ، كوممۋنيكاتسيالاردىڭ جۇمىس ىستەپ تۇرعان ارنالارىن، ازاماتتارمەن جانە بيزنەسپەن ءوزارا ءىس-قيمىل جاساسۋدى تالداۋ كوزدەلىپ وتىرعانى اتاپ ءوتىلدى. اتالعان تالداۋ نەگىزىندە نەمەسە وزگە دەرەكتەرگە حالىقتىڭ قاجەتتىلىگىن تالداۋ ناتيجەلەرىن ەسكەرە وتىرىپ، جەرگىلىكتى اتقارۋشى ورگاندار اشىقتىعىنىڭ ەتالوندىق مودەلىن قۇرۋ جونىندەگى ىلكى جوبانى ىسكە اسىرۋ كوزدەلەدى.
«بەسىنشىدەن، بيۋدجەت قاراجاتى جانە كۆازيمەملەكەتتىك سەكتور ۇيىمدارىنىڭ قاراجاتى ەسەبىنەن جۇرگىزىلەتىن تالدامالىق، الەۋمەتتىك، كونسالتينگتىك ءارتۇرلى زەرتتەۋلەردىڭ دەرەكتەر بازاسىنا اشىق قول جەتكىزۋدى قامتاماسىز ەتۋ. التىنشى - قازاقستاننىڭ «اشىق ۇكىمەت ارىپتەستىگى» حالىقارالىق باستاماسىنا قوسىلۋى ماسەلەسىن پىسىقتاۋ»، - دەدى ول.
مينيستر بايانداما سوڭىندا قويىلعان مىندەتتەردى تابىستى ىسكە اسىرۋ ءاربىر ادامنىڭ اقپاراتقا قول جەتكىزۋدە كونستيتۋتسيالىق قۇقىعىن ودان ءارى قامتاماسىز ەتۋ ءۇشىن قاجەتتى جاعدايلار جاسايتىندىعىن باسا ايتتى.