02:18, 21 - قىركۇيەك 2018 | GMT +6
كاسىپقوي بوكىسشى جانات جاقيانوۆ باسشىلىق قىزمەتكە تاعايىندالدى
استانا. قازاقپارات - سولتۇستىك قازاقستان وبلىستىق مامانداندىرىلعان بالالار مەن جاس وسپىرىمدەر مەكتەبىنىڭ ديرەكتورى بولىپ جانات جاقيانوۆ تاعايىندالدى.
دەنە شىنىقتىرۋ جانە سپورت باسقارماسى باسپا ءسوز قىزمەتىنىڭ مالىمەتىنشە، جانات جاقيانوۆ سولتۇستىك قازاقستان وبلىستىق مامانداندىرىلعان بالالار مەن جاس وسپىرىمدەر مەكتەبىندە 2007-جىلدان باستاپ باپكەر-وقىتۋشى قىزمەتىندە بولدى.
«بوكس مەكتەبى الدىنا ۇلكەن ماقساتتار قويادى، سوندىقتان ولارعا جەتۋ ءۇشىن بىرىگىپ جۇمىس جاساۋ كەرەك»، - دەدى دەنە شىنىقتىرۋ جانە سپورت باسقارماسىنىڭ باسشىسى رۋسلان ەسەنالين.
WBA 2015-2017 نۇسقاسى بويىنشا الەمنىڭ ۋاقىتشا چەمپيونى، WBA سۋپەر جانە IBO 2017 نۇسقالارى بويىنشا چەمپيونى بولعان، EBU 2014-2015 نۇسقاسى بويىنشا ەۋروپا چەمپيونى جانات جاقيانوۆ 2007-جىل كاسىپقوي رينگكە العاش رەت شىققان.