تاپقىر ايەل كوزىنە ءشوپ سالعان كۇيەۋىنە ەشكىم ويلاپ تاپپاس جازا قولداندى
مەل ەسىمدى ايەل ءوزىنىڭ كۇيەۋىنىڭ ءجيى ءىس-ساپارعا اپاتالاپ جوعالىپ كەتەتىنىنە قاتتى قىنجىلعانىن ايتتى. كەلىنشەك ۇنەمى قاشىقتا جۇرەتىن جولداسىمەن اراسى سۋي باستاعانىن تۇسىنەدى.
ونىڭ ۇيدە بولعانىندا بارىنشا كوڭىلىن تاۋىپ تىرىسپاق بولعان مەلدىڭ ارەكەتتەرىنەن ناتيجە شىقپايدى. مارتي ۇيگە كەلە سالا كومپيۋتەرگە جۇمىس ىستەيمىن دەپ وتىرىپ الادى.
ءبىر كۇنى ەر ادام نوۋتبۋگىن اشىق تاستاپ كەتكەن كەزدە، مەل سۇيىكتىسىنىڭ اشىناسى بار ەكەنىن ءبىلىپ قويادى. انىقتالعانداي، مارتيدىڭ كاناداعا ءىس-ساپارعا ءجيى بارۋىنىڭ سەبەبى جۇمىس بابى ەمەس، جاڭا عاشىعى بولعان.
باستاپقىدا جانجالداسىپ جۇبايىنىڭ وتىرىگىن اشكەرەلەمەك بولعان كەلىنشەك اسقان تاپقىرلىق تانىتقان. ول كۇيەۋىنىڭ كەزەكتى ءىس-ساپارعا كەتۋىن ءتيىمدى قولدانىپ، ورتاق ءۇيدى ساتىپ جىبەرگەن.
ءوز اتىندا بولعان باسپانانىڭ ساتىلىمىنان تۇسكەن اقشانى ايەل ادام ەكىگە بولگەن. ءبىرىن ءوز جەكە شوتىنا، قالعان جارتىسىن ورتاق وتباسىلىق شوتقا سالدى.
قىرۋار قارجىعا كەنەلگەن كەلىنشەك قۇربىلارىمەن كەمە ساياحاتىنا اتتانىپ كەتىپ قالعان. ال ءىس-ساپاردان كەلگەن مارتيدىڭ ءۇيسىز قالعان جاڭالىقتان قانداي اسەر العانى بەلگىسىز.
تۇكسىز قالعان ەر ادام ءتىپتى سول وقيعادان كەيىن ايەلىنە حابارلاسپاعان دا. وعان قوسا، ول اقىر-سوڭى كاناداعا كوشىپ كەتكەنى بەلگىلى بولدى. ال، مەل ءوز ساياحاتىن ءالى دە جالعاستىرۋدا.