ازيا رەيتينگى: قازاقستاندىق جەڭىل اتلەتتەر ۇزدىك بەستىككە ەندى
اتاپ ايتار بولساق، 2018-جىلعى جازعى ماۋسىمنىڭ ازيا رەيتينگىندە ەل سپورتشىلارى ءۇش قارعىپ سەكىرۋ، بيىكتىككە سەكىرۋ، 100، 200، 400 جانە 800 مەترگە جۇگىرۋدە العاشقى التىلىقتان كورىندى.
ال ازيا ويىندارىندا 14.26 مەترگە سەكىرگەن ولگا رىپاكوۆا ءۇش قارعىپ سەكىرۋدەن رەيتينگتە كوش باستاپ تۇر. ول تاپ وسىنداي كورسەتكىشپەن وستراۆادا وتكەن قۇرلىقتىق كۋبوكتە كۇمىس جۇلدەگە قول جەتكىزگەن ەدى. سونداي-اق تاعى ءبىر قازاقستاندىق سپورتشى يرينا ەكتوۆا رەيتينگتە ءۇشىنشى ورىندا تۇر.
ۆيكتوريا زيابكينا ەكى باعدارلاما بويىنشا ۇزدىكتەر ساپىندا. ول 100 مەترگە جۇگىرۋدە - ءۇشىنشى، 200 مەترگە جۇگىرۋدە ەكىنشى ورىندا تۇر.
سونداي-اق رەيتينگكە مارگاريتا مۋكاشيەۆا (800 مەتر)، ەلينا ميحينا (400 مەتر) جانە نادەجدا دۋبوۆيتسكايا (بيىكتىككە سەكىرۋ) ەندى. ميحينا - ءتورتىنشى، دۋبوۆيتسكايا بەسىنشى ساتىدا.