ساعىنتايەۆ ينۆەستورلار تارتۋ جونىندەگى كەڭەس وتىرىسىن وتكىزدى

None
None
استانا. قازاقپارات - بۇگىن ۇكىمەت ۇيىندە ق ر پرەمەر-ءمينيسترى باقىتجان ساعىنتايەۆتىڭ توراعالىعىمەن ينۆەستورلاردى تارتۋ ماسەلەلەرى جونىندەگى ۇكىمەتتىك كەڭەستىڭ وتىرىسى ءوتتى، وندا ۇلتتىق ينۆەستيتسيالىق ستراتەگيانى ىسكە اسىرۋ ماسەلەلەرى قارالدى، دەپ حابارلايدى primeminister.kz.

وتىرىس بارىسىندا ۇلتتىق ينۆەستيتسيالىق ستراتەگيانى ىسكە اسىرۋ جانە ەلىمىزدەگى ينۆەستيتسيالىق احۋالدى ودان ءارى جاقسارتۋ ماسەلەلەرى قارالدى.

اتاپ ايتقاندا، ينۆەستيتسيالار جانە دامۋ مينيسترلىگىنىڭ ينۆەستيتسيالار سالاسىنداعى ءۇش ءتىلدى نورمالاردى شىعارۋ قىزمەتىنە كوشۋگە، ينۆەستورلاردى مەملەكەتتىك قولداۋدىڭ قولدانىستاعى شارالارىن جەتىلدىرۋ مەن وڭتايلاندىرۋعا، ينۆەستيتسيالىق ومبۋدسمەن قىزمەتىنىڭ تيىمدىلىگىنە كەشەندى زەرتتەۋ جۇرگىزۋگە، قازاقستاندا ينۆەستورلاردىڭ قۇقىقتارىن قورعاۋدىڭ ينستيتۋتسيونالدىق تەتىكتەرى مەن ساياساتىن ىسكە اسىرۋعا قاتىستى تاسىلدەرى، سونداي-اق، ينۆەستورلاردىڭ قۇقىقتارىن قورعاۋدى جەتىلدىرۋ مەن حالىقارالىق ساۋدا-ساتتىق جاعدايلارىن جاقسارتۋ مەن لوگيستيكالىق ينفراقۇرىلىمدى جاڭعىرتۋ جونىندەگى ۇسىنىستار قارالدى.

شاراعا ورتالىق مەملەكەتتىك ورگانداردىڭ وكىلدەرى، سونىمەن قاتار، بەينەكونفەرەنتسيا بايلانىسى رەجيمىندە ءبىرقاتار وڭىرلەر مەن رەسپۋبليكالىق ماڭىزداعى قالالاردىڭ اكىمدەرى قاتىستى.

ق ر پرەمەر-ءمينيسترى باقىتجان ساعىنتايەۆ كەڭەس قورىتىندىسى بويىنشا وڭىرلەر اكىمدەرىنىڭ تاراپىنان ينۆەستيتسيالىق جوبالار بويىنشا ايتىلعان ۇسىنىستاردى پىسىقتاۋدى تاپسىردى.

باقىلاۋ جۇمىستارى ق ر پرەمەر-ءمينيسترىنىڭ ءبىرىنشى ورىنباسارى ا. مامينگە جۇكتەلدى.

سوڭعى جاڭالىقتار