بىرىڭعاي جيىنتىق تولەم - سالىقتىڭ جاڭا ءتۇرى ەمەس - ءمادينا ءابىلقاسىموۆا

الماتى. قازاقپارات - ق ر ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆا الماتىدا وتكەن جيىن بارىسىندا ءوزىن ءوزى جۇمىسپەن قامتۋشىلارعا ارنالعان ءبىرىڭعاي جيىنتىق تولەم جۇيەسىن ەنگىزۋدىڭ ءتيىمدى تۇستارىن ايتتى، دەپ حابارلايدى قازاقپارات ءتىلشىسى.

«بىرىڭعاي جيىنتىق تولەم - سالىقتىڭ جاڭا ءتۇرى ەمەس. بۇل ءتورت سالىق ءتۇرى: جەكە تابىس، الەۋمەتتىك ساقتاندىرۋ قورىنا، مەديتسينالىق ساقتاندىرۋ قورىنا، زەينەتاقى قورىنا اۋدارىلاتىن تولەمدەردى ءبىر مەزگىلدە تولەۋ تەتىگى بولىپ تابىلادى. بۇعان قازاقستان تۇرعىندارىنىڭ بارلىعى مىندەتتەلەدى. ءبىراق، ءوزىن ءوزى جۇمىسپەن قامتۋشىلار ەڭبەك كەلىسىمشارتى جوق بولعاندىقتان، جەكە كاسىپكەر رەتىندە تىركەلمەگەندىكتەن حالىقتىڭ ءبىراز بولىگى الەۋمەتتىك قامتۋ مەن ساقتاندىرۋ، زەينەتاقىمەن قامتۋ جۇيەسىنە ەنبەي قالدى»، - دەدى مينيستر.

مينيستر زاڭ قابىلدانعان جاعدايدا بيۋجەتكە تۇسەتىن شىعىنداردىڭ ەسەپتەلگەنىن ايتتى.

«شارتتى تۇردە شىعىن كولەمى جىلىنا 2 ميلليارد تەڭگەنىڭ كولەمىندە دەپ ەسەپتەلگەن. 5 جىلدا 10 ميلليارد تەڭگە شاماسىندا قارجى كەتەدى»، - دەدى ول.

ايتا كەتۋ كەرەك، قازاقستاندا ءوزىن ءوزى جۇمىسپەن قامتىپ وتىرعانداردىڭ جۇمىسىن زاڭداستىرۋ ءۇشىن ارنايى سالىق رەجيمى - ءبىرىڭعاي جيناق تولەمىن ەنگىزۋ قولعا الىنعان.

2019-جىلى بۇل تولەم كولەمى 1 ا ە ك - 2525 تەڭگە بولماق.