15:11, 20 - قىركۇيەك 2018 | GMT +6
قازاقستاننىڭ ماشينا جاساۋ سالاسى قالاي دامىپ كەلەدى
استانا. قازاقپارات - ءماجىلىس دەپۋتاتى، قازاقستان ماشينا جاساۋشىلار وداعىنىڭ ءتوراعاسى مەيرام پشەمبايەۆ وتاندىق ماشينا جاساۋ سالاسىنىڭ قازىرگى جاعداي تۋرالى ايتىپ بەردى، دەپ حابارلايدى قازاقپارات.
«وتكەن جىلمەن سالىستىرعاندا، ءبىرىنشى توقساننىڭ قورىتىندىسى بويىنشا ماشينا جاساۋدا ءوندىرىس 17,2 پايىزعا وسكەنى بايقالدى» ، - دەپ توقتالدى م. پشەمبايەۆ ۇكىمەت ۇيىندە وتكەن بريفينگتە.
ونىڭ سوزىنە قاراعاندا، بۇگىندە اۆتوموبيل جاساۋ، تەحنيكالىق ماشينا جاساۋ، اككۋمۋلياتورلار ءوندىرۋ، مۇناي- گاز سالاسىنا ءتۇرلى قۇرامداۋىشتاردى شىعارۋ، اۋىل شارۋاشىلىعى تەحنيكاسىن شىعارۋ سەكىلدى سالالاردا وڭتايلى كورسەتكىشتەر بار.
«جالپى، بيىل قازاقستاننىڭ ماشينا جاساۋ سالاسى ءوندىرىس كولەمىن تريلليون تەڭدەن اسىرىپ تۇسەدى دەگەن بولجام بار. ياعني تابىستى ناتيجەلەر بار بولعاندىقتان، سالا اتالعان كورسەتكىشتەرمەن شەكتەلىپ قالمايدى. ءبىزدىڭ ماقسات - ءوندىرىس كولەمىن ارى قاراي ارتتىرا ءتۇسۋ» ، - دەدى مەيرام پشەمبايەۆ.