يادرولىق قارۋدىڭ قورى بارلىق ادامزاتتى جويىپ جىبەرۋگە جەتكىلىكتى - گوي بەيبىتشىلىك قورى

None
None
استانا. قازاقپارات - گوي بەيبىتشىلىك قورىنىڭ پرەزيدەنتى حيروو سايوندجي استاناعا كەلىپ، يادرولىق قارۋسىزداندىرۋ ماسەلەسىنە ارنالعان كونفەرەنسياعا قاتىستى. وسىدان ەكى جىل بۇرىن ق ر پرەزيدەنتى نۇرسۇلتان نازاربايەۆقا اتالعان قوردىڭ ارنايى سىيلىعى تابىستالعان بولاتىن، دەپ حابارلايدى قازاقپارات ءتىلشىسى.

ح. سايوندجيدىڭ ايتۋىنشا، قازىرگى يادرولىق قارۋلاردىڭ قاۋقارى حيروسيما مەن ناگاساكيگە تۇسكەن بومبالاردان الدەقايدا قاتتى. سول قارۋدىڭ قورى بارشا ادامزات پەن تابيعاتتى جويىپ جىبەرۋگە جەتكىلىكتى. الەم بويىنشا جىل سايىن اسكەري سالاعا 1,7 تريلليون ا ق ش دوللارى جۇمسالادى. ال ول اقشانىڭ 10 پروتسەنتى كەدەيشىلىك، اشارشىلىق، سۋدىڭ تاپشىلىعى، تابيعي اپاتتار سياقتى پروبلەمالاردى شەشۋگە باعىتتاسا، 2030 -جىلعا دەيىن تۇراقتى دامۋ ماقساتتارىنىڭ ءبارىن ورىنداپ شىعۋعا بولادى. «جاپونيا مەن قازاقستان يادرولىق سىناقتاردىڭ قاۋىپ- قاتەرىن جاقسى بىلەدى. مەنىڭشە، ونىڭ ءبارىن ەشقاشان ۇمىتپاۋ قاجەت. ال، ەڭ باستىسى، قازىرگى جاس ۇرپاققا يادرولىق قارۋدىڭ قانشالىقتى قاۋىپتى ەكەنىن جەتكىزۋىمىز كەرەك. سوندا وتكەن عاسىردىڭ قاتەلىكتەرى ەشقاشان قايتالانبايدى»، - دەدى ح. سايوندجي.

وسى ورايدا قور باسشىسى قازاقستاننىڭ يادرولىق قارۋسىزداندىرۋ سالاسىنداعى ەڭبەگىن ەرەكشە اتاپ ءوتتى. سەبەبى ونداي باستامالار بولماسا، الەم قاۋىمداستىعىنىڭ سانا- سەزىمىن وزگەرتۋ مۇمكىن ەمەس. «ءبىز قازاقستاننىڭ يادرولىق قارۋسىزداندىرۋ سالاسىنداعى ەرەن ەڭبەگىن جوعارى باعالايمىز. اتالعان مەملەكەت ورتالىق ازيانى يادرولىق قارۋسىز ايماق رەتىندە قۇرۋعا ۇلكەن ۇلەس قوستى دەپ بىلەمىز. قازاقستاننىڭ يادرولىق سىناقتارعا تىيىم سالۋ جونىندەگى جالپىعا ورتاق كەلىسىمدى كۇشەيتۋ جولىنداعى جۇمىسىن دا ەرەكشە اتاپ وتكەن ءجون. اتوم ەنەرگياسىن تەك بەيبىت ماقساتتا قولدانۋعا قاتىستى ۇستانىمدارىڭىزدى ءبارى بىلەدى. سول ءۇشىن الەم قاۋىمداستىعى قازاقستانعا العىس ايتۋى قاجەت»، - دەپ اتاپ كورسەتتى ح. سايوندجي.

 ايتا كەتەيىك، بۇگىن استانادا «قازاقستان مەن جاپونيانىڭ يادرولىق قارۋسىزداندىرۋ سالاسىنداعى ىنتىماقتاستىعى: ءبىر تاعدىر، جالپى ماقسات» تاقىرىبىندا حالىقارالىق كونفەرەنسيا ءوتتى. شارانىڭ ۇيىمداستىرۋشىلارى ق ر تۇڭعىش پرەزيدەنتى - ەلباسى قورى جانىنداعى الەمدىك ەكونوميكا جانە ساياسات ينستيتۋتى، سونداي- اق، گوي بەيبىتشىلىك قورى. كونفەرەنسيادا يادرولىق قارۋسىزداندىرۋ سالاسىنداعى وزەكتى ماسەلەلەر تالقىعا سالىندى. ال ق ر پارلامەنت ءماجىلىسىنىڭ دەپۋتاتى اباي تاسبولاتوۆ كەڭەستەر كەزىندە اسكەردىڭ يادرولىق سوعىسقا قالاي دايىندالعانىن ايتىپ بەردى.

اۆتور: ارمان اسقاروۆ


Ядролық қарудың қоры барлық адамзатты жойып жіберуге жеткілікті - Ð

سوڭعى جاڭالىقتار