كيم چەن ىن ا ق ش- تىڭ كوپتەن كۇتكەن شەشىمىن جاريالادى

استانا. قازاقپارات - كورەي تۇبەگىندەگى قاۋىپ سەيىلدى. سولتۇستىك جانە وڭتۇستىك كورەيانىڭ كوشباسشىلارى پحەنيان دەكلاراتسياسىنا قول قويدى. بۇل قۇجات ەكى ەل شەكاراسىنداعى اسكەريلەردىڭ سانىن ازايتادى.

بىلتىر «ا ق ش- قا زىمىران جاۋدىرام» دەپ سەس كورسەتكەن سولتۇستىك كورەيا باسشىسى زىمىران جانە يادرولىق پوليگونداردان ءبىرجولا باس تارتاتىندىعىن رەسمي تۇردە مالىمدەدى.

مۋن چجە ين ءۇشىن پحەنيان -  ىستىق قالا. سەبەبى وسىدان ون ءبىر جىل بۇرىن ءدال وسى شاھاردا سول كەزدەگى وڭتۇستىك كورەيالىق كوشباسشى نو مۋ حەنمەن بىرگە كەلگەن. ودان بولەك، وسى وڭىردە ونىڭ اتا- باباسى ءومىر سۇرگەن. مۋننىڭ اكەسى حامحىن قالاسىنان كورەي سوعىسى كەزىندە كوشىپ كەتكەن.

سول سەبەپتەن بولار، وڭتۇستىك كورەيالىق پرەزيدەنتتىڭ ءۇش كۇندىك ءىس- ساپارىندا رەسمي كەلىسسوزدەردەن بولەك، ءتۇرلى مادەني جوسپارلارى بولدى. «وننيۋگۆان» مەيرامحاناسىندا پحەنياندىق كەسپەنىڭ ءدامىن تاتىپ، «سامدجيەن» انسامبلىنىڭ كونسەرتىن تاماشالادى. ەڭ باستىسى، ەكى ەل باسشىلارى ءبىر تۋدىڭ استىنا بىرىگىپ، بىرىككەن كورەي ەلىن قۇرۋدى باستى ماقسات ەتكەن. مۋن مەن كيمنىڭ كەلىسسوزى بىرنەشە ساعاتقا سوزىلدى. ناتيجەسىندە پحەنيان دەكلاراتسياسىنا قول قويىلدى. وندا تاراپتار ارادا شيەلەنىس بولماس ءۇشىن قولدان كەلگەندەرىن ىستەيتىندىكتەرى جازىلعان.

 قورعانىس مينيسترلەرى قول قويعان قوسىمشا كەلىسىمگە سايكەس، شەكارا بويىندا ون شاقىرىمدىق ايماق قۇرىلادى. بۇل ارتيللەريالىق اتىسۋعا جانە اسكەري جاتتىعۋلارعا تىيىم سالىنادى دەگەن ءسوز. ءدال وسىنداي سەكسەن شاقىرىمدىق ايماق ەكى كورەيانىڭ تەڭىز شەكارالارىندا دا پايدا بولادى. ال جىلدىڭ سوڭىنا دەيىن ايماقتاعى 11 كۇزەت بەكەتىن تاراتادى. سونداي- اق كيم چەن ىن ا ق ش- تىڭ كوپتەن كۇتكەن شەشىمىن جاريالادى. ول سوحە زىمىران پوليگونى مەن يەنبيەن يادرولىق ورتالىعىن جاباتىن بولدى.

 كيم چەن ىن، ك ح د ر مەملەكەتتىك كەڭەسىنىڭ ءتوراعاسى:

-  ءبىز كەسكىلەسكەن تەكەتىرەستى اياقتاعان اسكەري كەلىسىمگە قول قويدىق. بۇل كورەي تۇبەگىن يادرولىق قارۋدان ادا بەيبىت ايماققا اينالدىرۋعا سەپتىگىن تيگىزەدى.

مۋن چجە ين، كورەيا رەسپۋبليكاسىنىڭ پرەزيدەنتى:

 -  وڭتۇستىك جانە سولتۇستىك كورەيا يادرولىق قارۋسىزداندىرۋ جوسپارى بويىنشا العاش رەت ورتاق كەلىسىمگە كەلدى. بۇل -  وتە ماڭىزدى ناتيجە. سولتۇستىك كورەيا باسشىلىعى تونچحانري سىناق پوليگونىن جابۋ شەشىمىن قابىلدادى.

 يادرولىق قارۋدان باس تارتۋ جولىنداعى ورتاق شەشىمدى ساراپشىلار پحەنيان سامميتىنىڭ ەڭ ماڭىزدى قورىتىنىدىسى دەپ وتىر.

 گەرمان كيم، ساياساتتانۋشى:

 -  يادرولىق قارۋدان باس تارتۋ بويىنشا ۇلكەن قادام جاسالدى. يادرولىق سىناق وتكىزەتىن شاحتالاردى جاۋىپ نەمەسە ساراپشىلاردىڭ قاتىسۋىمەن جارىپ جىبەرەتىن بولدى. سونداي- اق ەكى كوشباسشى وسى جىلى تەمىرجول مەن اۆتوموبيل جولدارىن بىرىكتىرۋ بويىنشا كەلىسىمگە كەلدى. 2032 -جىلى جازدىق وليمپيادا ويىندارىن بىرىگىپ وتكىزۋگە ءوتىنىم بەرەتىن بولدى. سونداي- اق كورەي سوعىسى سالدارىنان ەكى ەلگە بولىنگەن وتباسىلار كەزدەسەتىن ورتالىق اشۋعا كەلىستى.

ءتورتىنشى كورەيارالىق سامميت وسى جىلدىڭ سوڭىنا دەيىن سەۋلدە وتپەك. سولتۇستىك كورەيا باسشىسى وعان قاتىسۋعا ءوز كەلىسىمىن بەردى. ەگەر بارلىعى جوسپارعا ساي جۇزەگە اسسا، كيم چەن ىن كورەيا رەسپۋبليكاسىنا اياق باسقان العاشقى كوشباسشى بولماق.

www.24.kz