ەردوعان تۇركيا ازاماتتىعىن العىسى كەلەتىندەرگە قۇجات راسىمدەۋدى جەڭىلدەتتى

استانا. قازاقپارات -  ەندى تۇركيا ازاماتتىعىن العىسى كەلەتىندەر بۇعان وڭاي قول جەتكىزەتىن بولدى. ەل پرەزيدەنتى رەجەپ تايىپ ەردوعان قۇجات راسىمدەۋدى جەڭىلدەتەتىن قاۋلىعا قول قويدى.

وعان ساي ەندى تۇركياعا كوشىپ بارامىن دەۋشىلەردىڭ نەگىزگى كاپيتالعا سالىنعان ينۆەستيتسيا كولەمى 500 مىڭ دوللاردى قۇراۋى ءتيىس. بۇرىن بۇل سوما 2 ميلليون دوللار بولعان ەدى. سونىمەن قاتار تۇرىك بانكتەرىندە شەتەل ازاماتىنىڭ جارتى ميلليون دوللار كولەمىندە مەملەكەتتىك وبليگاتسياسى مەن بانك سالىمى تۇرۋى ءتيىس. جانە تاعى ءبىر شارت: 250 ميلليون دوللارعا جىلجىمايتىن مۇلىك ساتىپ الىپ، ونى 3 جىل بويى ساتىلىمعا قويماۋى كەرەك. وسى تالاپتاردى ورىنداعاندار تۇركيا ازاماتىنا اينالادى.

ايتا كەتەتىن جايت، بۇل شارا بيلىكتىڭ ەلدەگى ەكونوميكالىق احۋالدى تۇراقتاندىرۋ ارەكەتتەرىمەن تۇسپا- تۇس كەلىپ وتىر. بيىلعى جىلدىڭ قاڭتار ايىنان باستاپ ليرا 40 پايىزعا ارزانداپ وتىر. دەگەنمەن رەسمي انكارا حالىقارالىق ۆاليۋتا قورىنان قايتادان نەسيە المايتىنىن العا تارتىپ، شەتەل كاپيتالدارىنا سەنەتىنىن ايتتى.

www.24.kz