رەسەيدە حالىق سانى ازايىپ بارادى

ماسكەۋ. قازاقپارات - رەسەي تۇرعىندارىنىڭ سانى 2018 -جىلدىڭ قاڭتارىنان باستاپ 0,063 پايىزعا كەمىدى. روسستاتتىڭ سارسەنبى كۇنى جاريالاعان مالىمەتتەرى بويىنشا ەلدە 146,8 ميلليون ادام تىرشىلىك كەشۋدە، دەپ حابارلايدى ت ا س س.

«2018 -جىلدىڭ 1 - تامىزىندا رەسەيدىڭ تۇرعىلىقتى حالقىنىڭ سانى 146,8 ميلليون ادامدى قۇراپ، جىل باسىنان بەرى 91,9 مىڭعا نەمەسە 0,063 پايىزعا ازايدى»، - دەلىنگەن حابارلامادا.

ال وتكەن جىلدىڭ وسىنداي كەزەڭىندە تۇرعىنداردىڭ سانى 5,3 مىڭعا ارتقانى نەمەسە 0,004 پايىزعا كوبەيگەنى بايقالعان.

 سونداي- اق 2018 -جىلدىڭ قاڭتار- شىلدە ارالىعىندا 2017 -جىلدىڭ سايكەس كەزەڭىمەن سالىستىرعاندا رەسەيدە ومىرگە كەلگەندەردىڭ سانى (83 سۋبەكتىدە) كەمىگەندىگى اتاپ وتىلگەن. ال كەرىسىنشە ومىردەن وزعانداردىڭ سانى (54 سۋبەكتىدە) ارتقاندىعى بايقالدى»، دەپ اتاپ وتەدى روس ستات.