كانن كينوفەستيۆالىندە جۇلدە العان «ايكا» فيلمىنىڭ وسكارعا تالاساتىن مۇمكىندىگى بار - ۆيتسە- مينيستر
بۇگىن ق ر مادەنيەت جانە سپورت ءمينيسترى ارىستانبەك مۇحامەدي ۇلى قازاقستان تاراپىنان وسكار سىيلىعىنا ۇسىنىلعان «ايكا» فيلمىنىڭ وتپەي قالعانىن ايتقان ەدى. ءمينيستردىڭ اتاپ وتۋىنشە، كوركەم فيلم رەجيسەرى سەرگەي دۆورتسيەۆوي قازاقستاندا تۋىپ وسكەن، الايدا كەيىن رەسەي ازاماتتىعىن العان.
«بۇل ماسەلەنى باقىلاۋدا ۇستاپ وتىرمىز. ارينە، ءار بايقاۋدىڭ وزىندىك تالاپتارى بار. ءبىراق، ءبىز قازىر كينوتۇسىرىلىم توبىندا قازاقستاندىقتار جۇمىس ىستەگەنىن، ەكىنشى پلاندا ويناعانىن دالەلدەپ جاتىرمىز. بۇل - امەريكالىق تاراپتىڭ رەسمي حابارى ەمەس. سوندىقتان، وسكار ۇمىتكەرلەرىنىڭ قاتارىنا قوسىلاتىن مۇمكىندىگىمىز كوپ. امەريكالىق تاراپتان جاۋاپ كۇتۋدەمىز» ، - دەدى ا. رايىمقۇلوۆا ورتالىق كوممۋنيكاتسيالار قىزمەتىندە وتكەن بريفينگتە.
ۆيتسە- مينيسترگە «ايكا» وتپەگەن جاعدايدا، وسكارعا قانداي قازاقستاندىق فيلم ۇسىنىلادى؟ » دەگەن سۇراق قويىلدى.
«بۇل وتە بەدەلدى سىيلىق جانە ونىڭ ءبىرقاتار تالاپتارى بار. ەمير بايعازين لايىقتى ۇمىتكەر بولار ەدى، ءبىراق ۋاقىت تالابىنا بايلانىستى، ونىڭ ءفيلمىن كەلەسى جىلى عانا ۇسىنا الامىز. ياعني، «ايكا» - ۋاقىتى، مارتەبەسى جاعىنان ەڭ قولايلى ءونىم بولىپ وتىر. ونىڭ كانن كينوفەسيۆالىنىڭ جەڭىمپازى دەگەن اتاعى بار جانە شىن مانىندە ناسيحاتتالۋى ءتيىس ساپالى فيلم. قازاقستان ءۇشىن «ايكا» فيلمىن وسكارعا ۇسىنۋ - ۇلكەن مارتەبە بولار ەدى» ، - دەپ جاۋاپ بەردى ۆيتسە- مينيستر.