پوليتسياعا پارا بەرگەن جۇرگىزۋشىگە قانداي شارا قولدانىلادى
«پاۆلوداردا وبلىستىق ءى ءى د جپق جول- پاترۋلدىك پوليتسياسىنىڭ ينسپەكتورلارىنا بارا بەرگەنى ءۇشىن ەكى جۇرگىزۋشى ۇستالدى. بىرەۋى - 5 مىڭ، ەكىنشىسى 12 مىڭ تەڭگە بەرگەن. ەكەۋى دە جول قوزعالىسى ەرەجەسىن بۇزعانى ءۇشىن توقتاتىلعان. ولار جاۋاپكەرشىلىكتەن جالتارۋ ءۇشىن پوليتسيا قىزمەتكەرلەرىنە اقشا ۇسىنعان. بۇعان قوسا، لاۋازىمدى تۇلعاعا پارا بەرگەنى ءۇشىن قىلمىستىق جاۋاپكەرشىلىك قاراستىرىلعانى تۋرالى ەسكەرتۋگە قاراماستان، جۇرگىزۋشىلەر اقشانى پاترۋلدىك كولىكتىڭ ىشىنە تاستاپ كەتكەن» ، - دەدى الماس سادۋبايەۆ.
ونىڭ ايتۋىنشا، قازىرگى ۋاقىتتا اتالعان جۇرگىزۋشىلەرگە قاتىستى ق ر قىلمىستىق كودەكسىنىڭ پارا بەرۋ بابى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. وسى رەتتە ىشكى ىستەر مينيسترلىگىنىڭ رەسمي وكىلى لاۋازىمدى تۇلعاعا پارا بەرگەن ازاماتتار باس بوستاندىعىنان ايىرىلۋى مۇمكىندىگىن ەسكەرتتى.
ا. سادۋبايەۆتىڭ اتاپ وتۋىنشە، جەمقورلىق تاۋەكەلدەردى تومەندەتۋ ماقساتىندا بۇگىندە بارلىق پوليتسيا قىزمەتكەرلەرى ۆيدەوتىركەگىشپەن قامتاماسىز ەتىلگەن. پوليتسيا قىزمەتكەرلەرى كۇندەلىكتى قىزمەتتەرىن اياقتاعاننان كەيىن اتالعان ۆيدەوتىركەگىشتەگى ماتەريالداردى تاپسىرادى. ۆيدەوماتەريالدار ولاردىڭ تىكەلەي كومانديرلەرى مەن وزىندىك قاۋىپسىزدىك قىزمەتكەرلەرى تاراپىنان تەكسەرىلەدى.