استانادا كاسىپكەرلەرگە ارنالعان فۋلفيلمەنت- ورتالىق اشىلدى

استانا. قازاقپارات - العاش اشىلىپ وتىرعان ينتەرنەت- دۇكەن ورتالىعىندا تاۋاردى قابىلداۋ مەن وڭدەۋدەن باستاپ، بۋىپ- ءتۇيۋ، ساقتاۋ جانە ونى يەلەرىنە جەتكىزۋ سەكىلدى قىزمەت تۇرلەرى بار، دەپ حابارلايدى قازاقپارات ءتىلشىسى.

قازپوشتانىڭ استانادا العاش رەت اشىلعان كەزەكتى جوباسى كاسىپكەرلەردىڭ تاۋاردى يەسىنە جەتكىزۋىن جەڭىلدەتەدى. ودان بولەك، قويمالارمەن، بايلانىس ورتالىقتارىمەن، لوگيستيكا جانە قىزمەتكەرلەر قۇرامىمەن قامتاماسىز ەتۋ شىعىنىن ازايتادى.

 «ينتەرنەت- ساۋدا مادەنيەتىنىڭ دامۋىمەن قاتار، قازاقستاندىقتاردىڭ ونى جەتكىزىپ بەرۋگە دەگەن تالابى دا ارتتى. قازىر ءبىز جەتكىزۋ مەرزىمدەرىن قىسقارتۋ بويىنشا جۇمىستار جۇرگىزىپ جاتىرمىز، حالىقارالىق كۋرەرلىك جانە لوگيستيكالىق كومپانيالارمەن جانە پوشتا وپەراتورلارىمەن ىنتىماقتاستىق ورناتتىق. ءبىز ت م د- دا ءبىرىنشى بولىپ 2017 -جىلعى تامىزدا ق ح ر- دان قازاقستانعا تەمىرجولمەن سالەمدەمە تاسىمالداۋدى جولعا قويدىق. بۇل جەتكىزۋ مەرزىمىن 2 ەسە (60 كۇننەن 25 كۇنگە دەيىن) قىسقارتتى، جەتكىزۋ قۇنىن دا 2 ەسە ازايتىپ، تاسىمالدىڭ تۇراقتىلىعىن ارتتىردى. تەمىرجول باعىتىنان وزگە ءبىز قحر- دان قازاقستانعا چارتەرلىك اۋە تاسىمالىن ىسكە قوسۋ جۇمىسىن جۇرگىزىپ جاتىرمىز. بۇل جەتكىزۋ مەرزىمىن 25 كۇننەن 7-15 كۇنگە دەيىن قىسقارتۋعا مۇمكىندىك بەرەدى. سونداي- اق، ءبىز حالىقارالىق ترانزيتتى دامىتۋ جوسپارىندا بوند قويمالاردى قۇرۋ جۇمىستارىن بەلسەندى تۇردە جۇرگىزىپ جاتىرمىز» ، - دەدى «قازپوشتا» ا ق باسقارما ءتوراعاسى ساكەن سارسەنوۆ.

 قازىرگى كۇنى جالپى اۋدانى 3 مىڭ شارشى مەترلىك قويمادا 20 ينتەرنەت- دۇكەننىڭ 600 مىڭ تاۋارى ساقتالعان، بيىلدىڭ وزىندە قويمادان 177 مىڭ تاۋار جونەلتىلدى.

 قازپوشتا باسشىسىنىڭ سوزىنە قاراعاندا، قازىر قازپوشتانىڭ الماتى مەن استاناداعى 2 فۋلفيلمەنت- ورتالىعى ينتەرنەت- دۇكەندەردىڭ وسىنداي قىزمەتتەرگە قاجەتتىلىگىن تولىقتاي قامتاماسىز ەتە الادى.

العاشقى فۋلفيلمەنت- ورتالىقتىڭ اشىلۋىنا ق ر پرەمەر- ءمينيسترىنىڭ ورىنباسارى اسقار جۇماعاليەۆ قاتىسىپ، ينتەرنەت دۇكەننىڭ جۇمىسىمەن تانىستى.

«سىزدەر بىلەسىزدەر، شاعىن جانە ورتا كاسىپكەرلىكتى ەلباسىنىڭ ءوزى قولداپ وتىر. سونىڭ نەگىزىندە بۇگىندە سالىق كودەكسىنە وزگەرىستەر ەنگىزىلدى. اتالعان وزگەرىستەرگە سايكەس كاسىپكەرلەردىڭ سالىق تولەۋى جەڭىلدەدى. ونىڭ ەلەكتروندىق ساۋداعا دا قاتىسى بار، سوندىقتان ۇكىمەت سىزدەردەن ناتيجەلى جۇمىس كۇتەدى. ەڭ باستىسى، ەل ەكونوميكاسىن دامىتۋدا جاڭا جۇمىس ورىندارىنىڭ اشىلۋى، بۇل - قۋانتارلىق جاعداي» ، - دەدى ۆيتسە- پرەمەر اسقار جۇماعاليەۆ.

 

 ايتا كەتەيىك، الدىن الا دەرەكتەرگە سۇيەنسەك، ەلىمىزدەگى ينتەرنەت ساتىپ الۋشىلاردىڭ سانى وتكەن 7-ايدا 1,5 ميلليون ادامدى قۇرادى. بۇل وتكەن جىلمەن سالىستىرعاندا %11 عا ارتىق.