ق ر پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى تاعايىندالدى

 استانا. قازاقپارات - عابيت بايجانوۆ ق ر پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى بولىپ تاعايىندالدى. بۇل تۋرالى اقوردانىڭ باسپا ءسوز قىزمەتىنەن ءمالىم ەتتى.

«عابيت جاقىپباي ۇلى بايجانوۆ قازاقستان رەسپۋبليكاسى پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى بولىپ تاعايىندالسىن، ول قازاقستان رەسپۋبليكاسى «سىربار» سىرتقى بارلاۋ قىزمەتىنىڭ ديرەكتورى قىزمەتىنەن بوساتىلسىن» ، - دەلىنگەن مەملەكەت باسشىسى نۇرسۇلتان نازاربايەۆتىڭ جارلىعىندا.

 سونداي- اق مەملەكەت باسشىسىنىڭ جارلىعىمەن مارات ەرسايىن ۇلى شايحۋتدينوۆ قازاقستان رەسپۋبليكاسى پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى مىندەتىن ۋاقىتشا اتقارۋدان بوساتىلدى.

عابيت بايجانوۆ 1963 -جىلى تۋعان. ق ر ۇلتتىق قاۋىپسىزدىك كوميتەتى «بارلاۋ» قىزمەتى ديرەكتورىنىڭ ورىنباسارى (2007 -جىل) ؛ «سىربار» سىرتقى بارلاۋ قىزمەتى ديرەكتورىنىڭ ءبىرىنشى ورىنباسارى (2009-24.02.2015) ؛ ق ر «سىربار» سىرتقى بارلاۋ قىزمەتىنىڭ ديرەكتورى (24.02.2015 -جىلدان باستاپ، 04.05.2015 -جىلى قايتا تاعايىندالدى) بولىپ ەڭبەك ەتكەن.

سوڭعى لاۋازىمى - ق ر «سىربار» سىرتقى بارلاۋ قىزمەتىنىڭ ديرەكتورى.

Ⅱدارەجەلى «داڭق» وردەنىمەن ماراپاتتالعان.

گەنەرال- مايور (05.05.2010) ، سىرتقى بارلاۋدىڭ گەنەرال- لەيتەنانتى (03.05.2018) شەندەرىنە يە.