قازاقستاندا كولىك قۇرالدارىن تىركەۋ كۋالىگىنە ميكروچيپ ورناتىلادى

None
None
 استانا. قازاقپارات - قازاقستاندا كولىك قۇرالدارىن تىركەۋ كۋالىگى وزگەرەدى، دەپ حابارلايدى قازاقپارات ءتىلشىسى.

ەلەكتروندىق ۇكىمەت پورتالىندا «جۇرگىزۋشى كۋالىگى جانە كولىك قۇرالىن تىركەۋ تۋرالى كۋالىك بلانكىلەرىنىڭ نىساندارى مەن ۇلگىلەرىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2014 -جىلعى بۇيرىعىنا وزگەرىستەر مەن تولىقتىرۋلار ەنگىزۋ تۋرالى بۇيرىق جوباسى ورنالاستىرىلعان. جوبا 2 قازانعا دەيىن كوپشىلىك تالقىلاۋىنا ۇسىنىلىپ وتىر.

اتاپ وتىلگەندەي، بۇيرىق قولدانىسقا ەنگىزىلگەنشە بۇعان دەيىن دايىندالعان جانە بەرىلگەن تەحپاسپورتتار كولىكتەر قايتا تىركەۋدەن وتكەنگە دەيىن جارامدى بولادى. تىركەۋ تۋرالى جاڭا كۋالىكتەر 2019 -جىلدىڭ 1 - قاڭتارىنان باستاپ كەزەڭ- كەزەڭىمەن بەرىلەدى.

انىقتالعانداي، جاڭا تەحپاسپورتتاردىڭ كولەمى شاعىن جانە ول ءتۇرلى- ءتۇستى بولادى. سونداي- اق وعان ارنايى ميكروسىزبا ورنالاستىرىلادى.

ميكروچيپتە بولاتىن مالىمەتتەر: مەملەكەتتىك تىركەۋ ءنومىرى؛ كۋالىكتىڭ سەرياسى مەن تىركەۋ ءنومىرى؛ كۋالىكتىڭ بەرىلگەن كۇنى؛ ماركاسى، مودەلى؛ كولىك قۇرالىنىڭ شىعارىلعان جىلى؛ كولىك قۇرالىنىڭ ساناتى؛ ەسەپتەن شىعارىلعانى تۋرالى بەلگى؛ سايكەستەندىرۋ ءنومىرى (VIN) ؛ جۇكتەمەسىز ماسساسى kg.؛ رۇقساتر ەتىلگەن max ماسساسى، kg؛ كولىك قۇرالىنىڭ ءتۇسى؛ كولىك قۇرالىنىڭ يەسى؛ تۇرعىلىقتى جەرى؛ ەرەكشە بەلگىلەر؛ باستاپقى تىركەلگەن كۇنى؛ كولىك قۇرالىن قايتا جابدىقتاۋ تۇرلەرى تۋرالى مالىمەتتەر جانە تاعى باسقاسى.

قاجەتتىلىگىنە قاراي، مالىمەتتەر ەنگىزىلەتىن جولدار وزگەرتىلۋى جانە قوسىلۋى مۇمكىن.

سوڭعى جاڭالىقتار