ءتورت اعايىندى ءىسى: بەس سوتتالۋشى جازانى جەڭىلدەتۋگە شاعىم تۇسىرمەدى

 اقتوبە. قازاقپارات - اقتوبە وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىندا ەركىن ءىزباسار باستاعان قىلمىستىق توپقا قاتىستى اپەللياتسيالىق شاعىم قارالدى، دەپ حابارلايدى قازاقپارات ءتىلشىسى.

بۇعان دەيىن حابارلاعانىمىزداي، مۇناي ۇرلىعى، ۇيىمداسقان قىلمىستىق توپ قۇردى، رەيدەرلىك جولمەن بوتەننىڭ كاسىبىن تارتىپ الدى دەپ ايىپتالعان قىلمىستىق توپقا سوت ۇكىمى شىعىپ، ەركىن ءىزباسار 12 جىلعا باس بوستاندىعىنان ايىرىلدى. ءىس بويىنشا بارلىعى 26 ايىپتالۋشى بار.

 ەركىن ءىزباساردىڭ جانىندا جۇرگەن اۋحات قاليەۆ 11 جىلعا، سول جىلدارى وبلىستىق ءى ءى د باستىعىنىڭ ورىنباسارى قىزمەتىن اتقارعان راحات احانوۆ 5  جىل 3 ايعا سوتتالدى. بۇرىنعى پوليسيا قىزمەتكەرى ءومىر بويى قۇقىق قورعاۋ ورگاندارىندا جۇمىس ىستەي المايدى، پوليتسيا پولكوۆنيگى شەنىنەن ايىرىلعان بولاتىن. سوتتالۋشى ادايبەك سارسەنوۆ - 3 جىلعا، نۇربولات قايىربايەۆ - 3 جىلعا، ايبەك تىلەۋعازيەۆ - 2 جىلعا، مۇحانبەت شاۆلەتوۆ - 3  جىلعا، بولاتبەك بەكەتوۆ - 8  جىلعا، جاندوس اقماعامبەتوۆ - 3  جىلعا، جانگەلدى وتەگەنوۆ - 3  جىل 9 ايعا، رۋسلان دەرمۇحانوۆ - 3 جىل 9 ايعا، بەكجان قۇلتايەۆ - 3  جىل 9 ايعا، نۇرلان نوعايەۆ - 8  جىلعا، ساياسات ءدۇسىپوۆ - 3 جىلعا، سۇلەيمەن سۇگىربايەۆ - 5  جىلعا، مۇرات تۇرجانوۆ - 8  جىلعا سوتتالىپ، 8  جىلعا باسشىلىق قىزمەت اتقارا المايدى.

 سەرگەي ساۆچەنكو - 3 جىلعا، ءبىرجان امانقۇلوۆ - 11 جىلعا، ەربول تەكتىعۇلوۆ - 4  جىل 6 ايعا، قايىركەلدى ءىزتۇرعانوۆ - 6 جىلعا، نۇرلىبەك تونتايەۆ - 7  جىلعا، جانات تەكتىعۇلوۆ - 3  جىل 9 ايعا، كادىرجان پانگەرەي ۇلى - 7  جىلعا، مۇرات قۋانىشيەۆ - 3  جىل 9 ايعا، قارتجان قالدىمۇرات - 11  جىلعا باس بوستاندىعىنان ايىرىلعان بولاتىن. ال اماندوس ەسەنعاليەۆ قىلمىستىق جاۋاپكەرشىلىكتەن بوساتىلدى.

 سوتتالۋشىلار راحات احانوۆ، جانگەلدى وتەگەنوۆ، جاندوس اقماعامبەتوۆ، اماندوس ەسەنعاليەۆ جانە نۇربولات قايىربايەۆ جازانى جەڭىلدەتۋ جونىندە اپەللياتسيالىق شاعىم تۇسىرمەدى. ال وزگە سوتتالۋشىلاردىڭ قورعاۋشىلارى پروكۋرور شاعىمىن الماعان سوڭ تانىسۋ ءۇشىن 2 كۇن سۇرادى.