استانادا قانداي دارىگەرلەر جەتىسپەيدى
«قازىرگى تاڭدا كادر تاپشىلىعى ماسەلەسى بارىن ءتۇسىنىپ وتىرمىز. اسىرەسە، كەيبىر اۋرۋحانالاردا نەوناتولوگتار مەن انەستەزيولوگتار، رەانيماتولوگتار مەن وتا جاسايتىن اكۋشەر- گينەكولوگتار، وكۋليستەر مەن وتولارينگولوگتاردىڭ جەتىسپەۋشىلىگى سەزىلەدى» ، - دەدى جازيرا ەمبەرديەۆا استانادا وتكەن باسپا ءسوز ءماسليحاتىندا.
قوعامدىق دەنساۋلىق ساقتاۋ باسقارماسى وكىلىنىڭ ايتۋىنشا، جەكەلەگەن پروفيل بويىنشا كادرلاردىڭ جەتىسپەۋشىلىگى بار. دەگەنمەن، مەديتسينالىق مەكەمەلەردە باسقا دارىگەرلەر بويىنشا ماسەلە جوق.
«دارىگەرلەردىڭ جۇكتەمەسىنىڭ كوپ بولۋى ءدال وسى بىلىكتى كادرلاردىڭ جەتىسپەۋشىلىگىنەن بولىپ وتىر. استانادا دارىگەرلەردىڭ قابىلداۋىندا بولۋ مەرزىمىن بارىنشا قىسقارتۋعا كۇش سالىپ جاتىرمىز. وسىعان بايلانىستى ەلىمىزدەگى ءبىرقاتار جوعارى وقۋ ورىندارىمەن مەموراندۋمعا قول قويدىق. سونىمەن قاتار، كادر جەتىسپەۋشىلىگى ماسەلەسىن ءبىرجاقتى ەتۋ ءۇشىن جاس ماماندارعا ارناپ بوس ورىندار جارمەڭكەسىن تۇراقتى تۇردە وتكىزىپ كەلەمىز» ، - دەدى جازيرا ەمبەرديەۆا.