19:52, 19 - قىركۇيەك 2018 | GMT +6
گولوۆكين «مەيۆەزەر- پاكياو» كەزدەسۋىنىڭ جەڭىمپازىمەن جۇدىرىقتاسۋى مۇمكىن
استانا. قازاقپارات - قازاقستاندىق بوكسشى گەننادي گولوۆكيننىڭ (38-1-1, 34 ك و) مەنەدجەرى توم لەففەر بوكسشىنىڭ الداعى جوسپارلارى تۋرالى ءوز ويىن ايتتى، دەپ حابارلايدى قازاقپارات boxingscene-قا سىلتەمە جاساپ.
«12-راۋندتا گولوۆكيننىڭ وڭ قاباعى جارىلدى. سول سەبەپتى ونىڭ 2018 -جىلعى جوسپارى اياقتالدى، ول دەمالۋى كەرەك. ءبىز كەلەسى جىلى كوكتەمدە، بولماسا مامىر ايىندا رينگكە قايتا ورالۋدى جوسپارلاپ وتىرمىز» ، - دەدى لەففەر.
سونداي- اق، توم لەففەر قازاقستاندىقتىڭ كەلەسى جىلى كىممەن جۇدىرىقتاسۋى مۇمكىن ەكەنىن ايتا كەتتى.
«فلويد مەيۆەزەر رينگكە قايتا ورالاتىن سياقتى. ءبىز «مەيۆەزەر- پاكياو» كەزدەسۋىنىڭ جەڭىمپازىمەن جۇدىرىقتاسۋىمىز مۇمكىن» ، - دەدى مەنەدجەر.
ەسكە سالايىق، گولوۆكين - «كانەلو» رەماتچى 16 - قىركۇيەك كۇنى امەريكا قۇراما شتاتتارىنىڭ لاس ۆەگاس قالاسىنداعى T- Mobile Arena-دا ءوتتى. قورتىندىسىندا، وتانداسىمىز تورەشىلەر شەشىمىمەن (113-115, 114-114, 113-115) جەڭىلىپ، چەمپيوندىق بەلدىكتەرىنەن ايىرىلدى.