كۇيزەلىستىڭ نەگىزگى ءۇش بەلگىسى اتالدى

 استانا. قازاقپارات - رەسەيلىك دارىگەرلەر دوڭگەلەك ۇستەل وتكىزىپ دەپرەسسيالىق بۇزىلىستىڭ بەلگىلەرىن تالقىلادى جانە بۇل اۋرۋدىڭ نەگىزگى ءۇش بەلگىسىن اتادى، دەپ جازادى Stan.kz اقپاراتتىق اگەنتتىگى.

دارىگەرلەر اۋىر پسيحيكالىق جاي-كۇيدىڭ العاشقى بەلگىسى ۆەگەتاتيۆتىك بۇزىلىستار ەكەنىن ايتتى.

«ەگەر ادام تاڭەرتەڭ تاڭعى 5 تە تۇرسا جانە ونىڭ جۇرەگى قاتتى سوعىپ، اۋزى قۇرعاپ، سونداي-اق وندا دارەتكە بايلانىستى قيىندىقتار بولسا، سونىمەن بىرگە سەبەپسىز قورقىنىشتى سەزسە، بۇل ءبىرىنشى بەلگى»، - دەپ ءتۇسىندىردى مەديتسينا عىلىمدارىنىڭ دوكتورى، «التەر» پسيحيكالىق دەنساۋلىق ورتالىعىنىڭ باس دارىگەرى اندرەي شميلوۆيچ.

ەكىنشى بەلگىسى - كوڭىل-كۇيدىڭ اۋىتقۋى. دارىگەرلەردىڭ ايتۋىنشا، مۇنداي كەزدە ادامنىڭ كوڭىل كۇيى تاڭەرتەڭ ناشارلاپ، ال كەشكە جەڭىلدىكتى سەزەدى. بۇل كوبىنەسە كۇزدە جانە كوكتەمدە بولادى، دەيدى ساراپشىلار.

ءۇشىنشىسى - بۇل راحاتتانۋ سەزىمىن جانە ونى الۋ قاجەتتىلىگىن جوعالتۋ. ياعني، ومىرگە دەگەن قىزىعۋشىلىقتى جانە قۋانىشتى جوعالتۋ.

دارىگەرلەر مۇنداي جاعدايدا، قاجەت بولسا انتيدەپرەسسانتتاردى دا قابىلداۋعا قورىقپاۋ كەرەكتىگىن ايتتى.