جاپونيانىڭ گوي قورىنا «التىن ادامنىڭ» دالمە-ءدال كوشىرمەسى سىيعا تارتىلدى
قۇجاتتى ەلباسى قورىنىڭ ديرەكتورى، سەنات دەپۋتاتى داريعا نازاربايەۆا مەن گوي بەيبىتشىلىك قورىنىڭ پرەزيدەنتى حيروو سايوندجي راسىمدەدى، دەپ حابارلايدى قازاقپارات ءتىلشىسى.
«قازاقستان پرەزيدەنتى نۇرسۇلتان نازاربايەۆ وزىڭىزبەن اڭگىمەلەسۋ بارىسىندا گوي بەيبىتشىلىك قورى ءبىزدىڭ ەلىمىزدەگى ءبىلىم بەرۋ، عىلىم جانە مادەنيەت سالالارىندا ءبىرقاتار جوبانى جۇزەگە اسىراتىندىعىنا سەنىم بىلدىرگەن ەدى. جانە دە ىزگىلىك پەن بەيتىشىلىك قۇندىلىقتارىن ىلگەرىلەتۋ مۇددەسىنە وراي بىرلەسكەن جوبالاردى دامىتۋعا دايىن ەكەندىگىن ءبىلدىردى. بۇگىن مەموراندۋمعا قول قويۋىمىز ءبىزدىڭ ماقساتتارىمىزدى جۇزەگە اسىرۋ جولىنداعى العاشقى قادام بولاتىندىعىنا سەنىمىم مول. گوي بەيبىتشىلىك قورى بارلىق قازاقستاندىق ءۇشىن وتە قىزىقتى. ونىڭ وتە قىزىقتى ءارى ۇزاق جىلدارعى تاريحى بار. ول ب ۇ ۇ جانىنداعى ۇكىمەتتىك ەمەس ۇيىمنىڭ جوعارى مارتەبەسىنە يە جانە ءبىزدىڭ ۇنىمىزگە الەمدىك قوعامداستىق قۇلاق تۇرەدى دەپ سەنىم ارتامىز»، - دەدى سالتاناتتى ءراسىم بارىسىندا ق ر تۇڭعىش پرەزيدەنتى - ەلباسى قورىنىڭ ديرەكتورى، ق ر پارلامەنتى سەناتىنىڭ دەپۋتاتى داريعا نازاربايەۆ.
سونىمەن قاتار ول ەلباسى قورى گوي قورىمەن بىرلەسىپ. جاس تالانتتاردى قولداۋ ءۇشىن عىلىم، مادەنيەت سالالارىنداعى جوبالاردى جۇزەگە اسىرۋعا، ساراپشىلاردىڭ دوڭگەلەك ۇستەلدەرىن وتكىزۋگە دايىن ەكەندىگىن باسا ايتتى.
قازاقتا «بەيبىتشىلىك - تۇراقتىلىق كەپىلى» دەگەن ماقال بار جانە ءبىزدىڭ ۇيىمدارىمىز وسى قۇندىلىقتارعا ساي جۇمىس ىستەيدى. پرەزيدەنت نۇرسۇلتان نازاربايەۆ يادرولىق قارۋ مەن وزگە دە كەز كەلگەن باسقىنشىلىقتاردىڭ ەڭ جاقسى قورعانىسى سەنىم دەگەن بولاتىن. ءبىزدىڭ بىرلەسكەن جۇمىستارىمىز ءبىر-بىرىمىزگە، الەمدىك قوعامداستىقتىڭ ءبىزدىڭ ەلدەرىمىزگە سەنىمىن نىعايتۋعا باعىتتالاتىندىعىنا سەنىمدىمىن. ال سەنىم جەكە بايلانىس بارىسىندا تۋىندايدى»، - دەدى قور ديرەكتورى.
ءوز كەزەگىندە حيررو سايوندجي ەكى قوردىڭ الەۋمەتتىك ماڭىزى بار باستامالاردى جۇزەگە اسىرۋ بارىسنىدا ءوزارا تاجىريبە الماسۋى ماڭىزدى ەكەندىگىن باسا ايتتى. سونىمەن قاتار بىرلەسكەن شارالاردى ۇيىمداستىرۋعا جانە وتكىزۋگە دايىن ەكەندىگىن جەتكىزدى.
مەموراندۋمعا قول قويۋ ءراسىمى اياقتالعاننان كەيىن ق ر تۇڭعىش پرەزيدەنتى - ەلباسى قورىنىڭ اتقارۋشى ديرەكتورى قانات جۇمابايەۆ گوي بەيبىتشىلىك قورىنا قازاقستاننىڭ نىشانى، ۇلى دالا ەلىنىڭ مادەني مۇراسى سانالاتىن «التىن ادامنىڭ» دالمە-ءدال كوشىرمەسىن سىيعا تارتتى.
