ۇلتتىق كينونى مەملەكەتتىك قارجىلاندىرۋدىڭ جاڭا مودەلى ەنگىزىلەدى - مينيستر

استانا. قازاقپارات - بۇگىن پارلامەنت ءماجىلىسىنىڭ جالپى وتىرىسىندا «كينەماتوگرافيا تۋرالى» زاڭ جوباسى ءبىرىنشى وقىلىمدا ماقۇلداندى، دەپ حابارلايدى قازاقپارات.

«ۇلتتىق كينونى مەملەكەتتىك قارجىلاندىرۋدىڭ جاڭا مودەلىن ەنگىزۋ جوسپارلانىپ وتىر. قازىرگى كەزدە پروكاتتى قوسقاندا، بارلىق كارتينالار تولىق كولەمدە قارجىلاندىرىلادى. سايكەسىنشە، بۇل شىعارىلاتىن كارتينالاردىڭ سانىن، سونداي-اق ولاردىڭ نارىقتاعى كوممەرتسيالىق ىلگەرىلەۋىن ايتارلىقتاي شەكتەيدى. ويتكەنى ءوندىرۋشى، پروديۋسەر، شىعارماشىلىق توپ ءوندىرىس بارىسىندا وزدەرىنىڭ بارلىق گونورارلارىن الىپ قويادى»، - دەدى ق ر مادەنيەت جانە سپورت ءمينيسترى ارىستانبەك مۇحامەدي ۇلى.

ونىڭ سوزىنە قاراعاندا، جاڭا كەستە قارجىلاندىرۋ كولەمى بويىنشا فيلمدەردى ايقىن سارالاۋعا باعىتتالعان. ماسەلەن، الەۋمەتتىك ماڭىزى بار فيلمدەر سمەتالىق قۇنىنىڭ ءجۇز پايىزىنا دەيىنگى تولىق كولەمدە قارجىلاندىرىلادى. ءبىرىنشى كەزەكتە بالالارعا ارنالعان، الەۋمەتتىك ماڭىزى بار، انيماتسيالىق جانە دەبيۋتتىك كارتينالار قامتىلادى.

بۇدان بولەك، بىرلەسىپ شىعارىلاتىن فيلمدەر نەمەسە بىرلەسكەن ونىمدەر شەتەلدىك كينوكومپانيالارمەن ولاردى ءوندىرۋ تۋرالى ءتيىستى كەلىسىمدەردە كوزدەلگەن شەكتە قارجىلاندىرىلادى.

«ال بارلىق باسقا دا كوپشىلىك، كوممەرتسيالىق دەپ اتالاتىن فيلمدەر ءىشىنارا ينۆەستورلار مەن جەكە كاپيتالداردى تارتۋ شارتتارى ارقىلى 10 نان 70 پايىزعا دەيىن قارجىلاندىرىلادى. وتىنىشتەردى قاراستىرعان كەزدە كينو جوبانى تاڭداۋ تالاپتارىنىڭ ءبىرى - ءوندىرۋشى جاعىنان قارجىلىق قامتاماسىز ەتىلۋى ءتيىس»، - دەدى ا. مۇحامەدي ۇلى.

بۇدان بۇرىن حابارلانعانداي، ارىستانبەك مۇحامەدي ۇلى قازاقستاندا جۇمىس ىستەۋگە نيەتتى ءىرى كينوكومپانيالاردى اتادى.

سونىمەن قاتار مينيستر فيلمدەردى قازاق تىلىنە اۋدارۋدىڭ ءۇش نۇسقاسىن ۇسىندى.

اۆتور: رۋسلان عابباسوۆ