ارىستانبەك مۇحامەدي ۇلى قازاقستاندا جۇمىس ىستەۋگە نيەتتى ءىرى كينوكومپانيالاردى اتادى

None
None
استانا. قازاقپارات -  ق ر مادەنيەت جانە سپورت ءمينيسترى ارىستانبەك مۇحامەدي ۇلى قازاقستانعا الەمدىك ءىرى كينووندىرۋشىلەردى تارتۋ مۇمكىندىگى تۋرالى ايتتى، دەپ حابارلايدى قازاقپارات.

ونىڭ سوزىنە قاراعاندا، بۇل قادام تۋريزم مەن ەكونوميكانىڭ باسقا دا سالالارىن دامىتۋعا، سونداي- اق ينۆەستيتسيالار تارتۋعا وڭ ىقپال ەتەدى.

«گولليۆۋدتە Universal Studio امەريكالىق كينوكومپانيانىڭ جاقسى تاجىريبەسى بار. ياعني قوسىمشا ويىن- ساۋىق قىزمەتى ەسەبىنەن جىل سايىن 1 ميلليارد تۋريستى جانە جۇزدەگەن ميلليارد دوللار ينۆەستيتسيانى تارتادى»، - دەدى مينيستر پارلامەنت ءماجىلىسىنىڭ جالپى وتىرىسىندا «كينەماتوگرافيا تۋرالى» زاڭ جوباسىن تانىستىرۋ كەزىندە.

ا. مۇحامەدي ۇلىنىڭ اتاپ وتۋىنشە، قازاقستاندا الدىڭعى قاتارلى كينووندىرۋشىلەرمەن اۋقىمدى تۋىندىلاردى ءتۇسىرۋ ءۇشىن بارلىق جاعدايلار بار.

«ءبىزدىڭ باسىمدىعىمىز - ول ءبىرىنشى كەزەكتە ساياسي تۇراقتىلىق، ۇلتارالىق كەلىسىم، بىرەگەي لاندشافت»، - دەدى مينيستر.

ۆەدومستۆو باسشىسىنىڭ ايتۋىنشا، بۇگىندە مينيسترلىك

«Warner Bros. Entertainment», «Motion picture», «20th Century Fox», «NBC Universal», «The Walt Disney Company», «Paramount Pictures Corporation»

جانە باسقا دا كومپانيالاردىڭ باسشىلىعىمەن كەلىسسوزدەر جۇرگىزىپ جاتىر.

«اتاپ ايتقاندا، «كينەماتوگرافيا تۋرالى» زاڭ جوباسى ءتيىستى قولايلى جاعدايلارمەن قابىلدانعاننان كەيىن، ا ق ش- تاعى، ءۇندىستانداعى، تۇركياداعى جانە باسقا دا ەلدەردەگى سەرىكتەستەرىمىز قازاقستان اۋماعىندا كينو تۇسىرىلىمدەرىنە كىرىسۋگە دايىن تۇر»، - دەدى ارىستانبەك مۇحامەدي ۇلى.

اۆتور: رۋسلان عابباسوۆ

سوڭعى جاڭالىقتار