عالىمدار اقىر زاماننىڭ جاقىنداپ قالعانىن تاعى دا ەسكەرتىپ، دابىل قاقتى

 استانا. قازاقپارات - عالىمدار اقىر زامان بولاتىن كۇندى بولجادى. ولار ءبىزدىڭ عالامشارعا جاقىنداپ قالعان «ءولىم ساۋلەسى» جەر بەتىندەگى بارلىق جاندىنى جويادى دەگەن تۇجىرىمدا.

بۇل تۋرالى Oxu.Az سايتىنا سىلتەمە جاساعان NUR. KZ پورتالى حابارلايدى.

Vistanews سايتى ءمالىم ەتكەندەي، پرينستون ۋنيۆەرسيتەتىنىڭ عالىمدارى جەر شارىنا جاقىنداپ كەلە جاتقان ەنەرگيانىڭ قۇرىلىمى ءالى تۇسىنىكسىز دەيدى.

ازىرگە ونى «ءولىم ساۋلەسى» دەپ اتاعان. اتالمىش جارىق ءبىر تۇيىنگە جينالعان گراۆيتاتسيالىق، ەلەكتروماگنيتتى تولقىندارىن، راديوتولقىنداردى، گامما جانە رەنتگەندىك ساۋلەلەردى تاراتۋى مۇمكىن.

استرونومدار ەنەرگيا اعىنى قۇس جولىنا جەتكەندە ونىڭ تابيعاتىن زەرتتەپ بىلەمىز دەگەندى ايتۋدا.