اقتاۋدا حيميالىق زاۋىت سالىنادى
زاۋىتتى ج ش س سالادى. سەرىكتەستىك باسشىسى عايسا جۇماليەۆتىڭ ايتۋىنشا، جاڭا نىسان كاۋستيكالىق سودا مەن قۇرامىندا حلور ونىمدەرى بار زاتتار شىعارادى. جوبا قۇنى - 70 ميلليون ا ق ش دوللارى.
زاۋىت «اقتاۋ - تەڭىز ساۋدا پورتى» ارنايى ەكونوميكالىق ايماعىندا بوي كوتەرەدى دەپ جوسپارلانعان. ونىڭ ىسكە قوسىلۋىمەن 120 جاڭا جۇمىس ورنى اشىلاتىنى كۇتىلۋدە. كومپانيانىڭ باستى مىندەتى - ەكولوگيالىق تالاپتاردىڭ ورىندالۋى. ايتا كەتۋ كەرەك، زاۋىتتا قولدانىلاتىن مەمبرانالىق ەلەكتروليز تەحنولوگياسى بۇگىندە ەڭ وزىق جانە ەكولوگيالىق تازا ءوندىرىس ءادىسى بولىپ تابىلادى. نىسان 2020 -جىلى ىسكە قوسىلماق.
«بۇل ءوندىرىستى اشقاننان كەيىن مۇناي- گاز كومپانيالارىنا، تاۋ- كەن ونەركاسىبى كومپانيالارىنا قاجەتتى حيميالىق ونىمدەر - كاۋستيكالىق سودا، تۇز قىشقىلى، كالتسي حلوريدى جانە ناتري گيپوحلوريتىن بەرە الامىز. بۇل ءبىزدىڭ ونەركاسىبىمىزدە بەلسەندى قولدانىلاتىن ءونىم. قازىرگى كەزدە بۇل ونىمدەردى كورشى ەلدەردەن - قىتايدان، رەسەيدەن يمپورتتاپ جاتىرمىز. بۇل ءونىمدى لوكاليزاتسيالاۋدى جانە وزىمىزدە ءوندىرۋدى قالايمىز»، - دەيدى عايسا جۇماليەۆ.
اۆتور: ايگەرىم اشىقبايەۆا