ەسەپ كوميتەتىن قارجىلاندىرۋ ۇكىمەتتەن تىس بولۋى ءتيىس - ازات پەرۋاشيەۆ
مۇنداي پىكىردى بۇگىن ەسەپ كوميتەتى جانىنداعى كونسۋلتاتيۆتىك- ساراپشىلىق كەڭەس اياسىندا ب ا ق وكىلدەرىنە سۇحبات بەرگەن ءماجىلىس دەپۋتاتى ازات پەرۋاشيەۆ ايتتى، دەپ حابارلايدى قازاقپارات ءتىلشىسى.
«كونسۋلتاتيۆتىك- ساراپشىلىق كەڭەستىڭ باستى ماقساتتارىنىڭ ءبىرى - ەسەپ كوميتەتىنىڭ جۇمىسىن جاقسارتۋ، دامىتۋ. قاراپ وتىرساق، ەسەپ كوميتەتىنىڭ جۇمىسىن قارجىلاندىرۋ ۇكىمەتتىڭ قولىندا ەكەن. ال، تاۋەلدى ورگان قالاي تەكسەرە الادى؟ بۇل جەردە قاراما- قايشىلىقتى بايقاپ وتىرمىز. ەسەپ كوميتەتى ءوزىن قارجىلاندىراتىن ورگاندى تەكسەرگەن كەزدە ۇستانىمى وبەكتيۆتى بولا المايدى. حالىقارالىق ساراپشىلاردىڭ ۇسىنىسى - ەسەپ كوميتەتىن قارجىلاندىرۋ ۇكىمەتتەن تىس بولۋى كەرەك»، - دەدى ءماجىلىس دەپۋتاتى.
سونىمەن قاتار، ازات پەرۋاشيەۆ ەسەپ كوميتەتى كورسەتكەن كەمشىلىكتەردى مەملەكەتتىك ورگانداردىڭ، ۇلتتىق كومپانيالار مەن كۆازيمەملەكەتتىك سەكتور سۋبەكتىلەرىنىڭ تۇزەۋىنە قاتىستى كەلەڭسىز جايتتاردىڭ ورىن الاتىنىن اتاپ ءوتتى.
«قازىرگى ۋاقىتتا ەسەپ كوميتەتى كەمشىلىكتەردى تۇزەتۋ تۋرالى ۇسىنىس بەرسە، ۋاقىت وتە كەلە ۇكىمەت ونى شەشىلدى، ورىندالدى دەپ ۇيعارىم جاساي سالادى. بۇل دۇرىس ەمەس. ەسەپ كوميتەتى تابىلعان زاڭبۇزۋشىلىق، قارجىنىڭ ءتيىمسىز ماقساتقا جۇمسالۋى سىندى كەمشىلىكتەردىڭ جويىلعانى تۋرالى ۇيعارىمدى ءوزى شىعارۋى ءتيىس»، - دەيدى ول.
ايتا كەتەيىك، كەڭەس وتىرىسىنا قاتىسۋشىلار اۋديتورلىق ءىس- شارالاردى جۇرگىزۋ پروتسەسىنە ساراپشىلار مەن اۋديتورلىق ۇيىمداردىڭ قاتىسۋىن، سونىمەن قاتار اۋديتورلىق ىرىكتەمەنى ايقىنداۋ كەزىندە كاسىبي پايىمدى قولدانۋ ماسەلەلەرىن جان- جاقتى تالقىعا سالدى.
اۆتور: مارلان جيەمباي