استانادا قالالىق تۋريزمدى دامىتۋ بويىنشا حالىقارالىق سامميت وتەدى
دەپ حابارلايدى قازاقپارات ءتىلشىس استانا كونۆەنشن بيۋروسىنىڭ فەيسبۋكتەگى پاراقشاسىنا سىلتەمە جاساي وتىرىپ.
«بۇگىن بۇكىلالەمدىك تۋريستىك ۇيىمنىڭ (يۋنۆتو) سەۋلدەگى 7- دۇنيەجۇزىلىك قالالىق تۋريزمدى دامىتۋ فورۋمىندا، كەلەسى باسقوسۋ استانادا وتەتىندىگى رەسمي تۇردە جاريالاندى. بۇل جيىنعا استانادان قالا اكىمىنىڭ ورىنباسارى ە. امانشايەۆ باستاعان دەلەگاتسيا بەلسەنە قاتىسۋدا» - دەلىنگەن حابارلامادا.
فورۋم جۇمىسىنا گرەكيا جانە موڭعوليا ەلدەرىنىڭ تۋريزم مينيسترلەرى، تايلاند پەن مالايزيانىڭ تۋريزم جونىندەگى ۆيتسە- مينيسترلەرى، سەۋل، كۋالا- لۋمپۋر، پاريج جانە نيتستسا قالالارىنىڭ ۆيتسە- مەرلەرى، سونداي- اق اكادەميالىق توپتاردىڭ جانە Google, MasterCard, Amadeus كومپانيالارىنىڭ وكىلدەرى قاتىسۋدا.
شارا بارىسىندا بۇۇ قابىلداعان HABITAT III New Urban Agenda اتتى ستراتەگيانىڭ اياسىندا قالالىق تۋريزمدى دامىتۋداعى كوكەيكەستى سۇراقتار قارالدى. سونىمەن قاتار قالالىق تۋريزمدى دامىتۋداعى يننوۆاتسيالىق جاڭا ترەندتەر مەن سيفرلىق تەحنولوگيالار مۇمكىندىگى جانە تۋريزم سالاسىنداعى بيزنەستىڭ جاڭا مودەلدەرىن ترانسفورماتسيالاۋ ماسەلەسى تالقىلاندى.
ساراپشىلاردىڭ پىكىرىنشە، 2050 -جىلعا قاراي دۇنيەجۇزى حالقىنىڭ 70 پايىزى قالا تۇرعىندارى بولماق. ال تۋريزم ءوز كەزەگىندە دۇنيەجۇزىلىك ج ءى و- ءنىڭ 10 پايىزدان استامىن قۇراپ، قازىرگى زامانعى جاھاندىق پروبلەمالاردى شەشۋ مەن قالالاردىڭ ەكونوميكالىق دامۋىنىڭ نەگىزگى درايۆەرىنە اينالادى. سول سياقتى قالالاردىڭ تۇراقتى دامۋىنا جاعداي جاسايدى.
«سامميتتىڭ باستى قورىتىندىسى يۋنۆتو حاتشىلار القاسىنىڭ 2019 -جىلى استانادا كەزەكتى سامميتتى وتكىزۋ تۋرالى شەشىمى بولدى»، - دەلىنگەن حابارلامادا.
فورۋم بارىسىندا استانا قالاسىنىڭ دەلەگاتسياسى يۋنۆتو- نىڭ باس حاتشىسى ز. پولوليكاشۆيليمەن جانە يۋنۆتو- نىڭ اتقارۋشى ورگاندارىنىڭ مۇشەلەرىمەن كەلىسسوزدەر جۇرگىزدى. وندا ءتۋريزمدى دامىتۋدا ءوزارا ارەكەتتەسۋدىڭ كەلەشەگى مەن كەزەكتى جاھاندىق ءسامميتتى استانادا وتكىزۋ بويىنشا بىرلەسكەن جوسپارلار تالقىلاندى.
ايتا كەتەيىك، استانا كونۆەنشن بيۋروسى - استانا قالاسىنىڭ تۋريستىك سەكتورىن جوسپارلاۋ، دامىتۋ جانە كوركەيتۋ بويىنشا نەگىزگى ۇيىم.