اقان ساتايەۆتىڭ «بيزنەسمەندەر» فيلمىنىڭ الەمدىك پرەمەراسى كەيىنگە شەگەرىلدى

الماتى. قازاقپارات - Almaty film festival كينوفەستيۆالىنىڭ ۇيىمداستىرۋشىلارى جابىلۋ سالتاناتىنىڭ باعدارلاماسىن ازداپ وزگەرتتى، دەپ حابارلايدى قازاقپارات ءتىلشىسى.

19- قىركۇيەك كۇنى كەشكە رەسپۋبليكا سارايىندا العاشقى Almaty film festival سالتاناتتى تۇردە اياقتالادى. نەگىزگى باعدارلامانىڭ جەڭىمپازدارى انىقتالىپ، ساراپتاما كوميسسياسى پيتچينگ ناتيجەسى بويىنشا (باس جۇلدە - ونى جۇزەگە اسىرۋعا قارجىلاندىرۋ) ۇزدىك دەپ تانىعان كينجوبا اتالادى. بۇدان بولەك، وسى جەردە «تۇلپار» ۇلتتىق سىيلىعىنىڭ يەگەرى بەلگىلى بولادى.

بۇعان قوسا، الەمدىك پرەمەراسى Almaty film festival- ءدىڭ جابىلۋ سالتاناتىندا جوسپارلانعان اقان ساتايەۆتىڭ «بيزنەسمەندەر» اتتى فيلمى كورسەتىلمەيدى.

«جابىلۋ سالتاناتىندا كينوفەستيۆال باستى كونكۋرسىندا جەڭىمپاز دەپ تانىلعان فيلمدى كورسەتۋ تۋرالى شەشىم قابىلدادىق. ونى 19- قىركۇيەكتە الماتىداعى رەسپۋبليكا سارايىنىڭ ساحناسىندا وتەتىن جابىلۋ سالتاناتىندا جاريالايدى»، - دەپ مالىمدەدى Almaty Film Festival I حالىقارالىق كينوفەستيۆالىنىڭ پرەزيدەنتى اقان ساتايەۆ.

ەسكە سالايىق، Almaty Film Festival وڭتۇستىك استانادا العاش رەت ۇيىمداستىرىلىپ وتىر. باستى كونكۋرستا تاياۋ جانە الىس شەتەلدەردەن 10 كينوكارتينا ۇسىنىلعان.