بۇگىن ەل اۋماعىنىڭ باسىم بولىگىندە كۇن اشىق بولادى

None
None
استانا. قازاقپارات - 19- قىركۇيەكتە قازاقستان اۋماعىنىڭ باسىم بولىگىندە انتيتسيكلوننىڭ اسەرىنەن جاۋىن-شاشىنسىز اۋا رايى ساقتالادى، تەك رەسپۋبليكانىڭ باتىسى مەن شىعىسىندا اتموسفەرالىق اعىنداردىڭ وتۋىنە بايلانىستى جاڭبىر جاۋادى، دەپ حابارلايدى قازگيدرومەت.

رەسپۋبليكانىڭ سولتۇستىگى مەن شىعىسىنىڭ كەي جەرلەرىندە تۇندە جانە تاڭەرتەڭ تۇمان ءتۇسۋى ىقتيمال.

سولتۇستىك قازاقستان وبلىسىندا كۇندىز جەل تۇرادى، كەي جەرلەردە ەكپىنى 23-28 م/س جەتەدى، تۇندە جانە تاڭەرتەڭ كەي جەرلەردە تۇمان تۇسەدى.

شىعىس قازاقستان، كۇندىز اقمولا وبلىسىنىڭ كەي جەرلەرىندە جەل 15-20 م/س كۇشەيەدى، تۇندە جانە تاڭەرتەڭ كەي جەرلەردە تۇمان بولادى.

كۇندىز قىزىلوردا وبلىسىنىڭ كەي جەرلەرىندە جەل 15-20 م/س، شاڭدى داۋىل تۇرادى.

كۇندىز الماتى وبلىسى الاكول كولى ماڭىندا جەل 17-22 م/س كۇشەيەدى.

جامبىل، ماڭعىستاۋ، اتىراۋ، باتىس قازاقستان، اقتوبە، قوستاناي وبلىستارىندا، كۇندىز تۇركىستان وبلىسىنىڭ كەي جەرلەرىندە جەل 15-20 م/س بولادى.

پاۆلودار وبلىسىندا كەي جەرلەردە تۇمان تۇسەدى.

قىزىلوردا، تۇركىستان، ماڭعىستاۋ، جامبىل، اتىراۋ وبلىستارىنىڭ باسىم بولىگىندە، باتىس قازاقستان، اقتوبە جانە قاراعاندى وبلىستارىنىڭ كەي جەرلەرىندە جوعارى ءورت قاۋپى ساقتالادى.

سوڭعى جاڭالىقتار