بەس وبلىستا اۋا رايىنا بايلانىستى ەسكەرتۋ جاريالاندى

 استانا. قازاقپارات - رەسپۋبليكامىزدىڭ بەس وبلىسىندا اۋا رايىنا بايلانىستى ەسكەرتۋ جاريالاندى. بۇل تۋرالى قازاقپارات حابارلايدى.

«قازگيدرومەت» ر م ك اقپاراتى بويىنشا، 19- قىركۇيەكتە قوستاناي وبلىسىندا وڭتۇستىك باعىتتان جەل سوعىپ، ونىڭ جىلدامدىعى 15-20 م/س بولادى جانە كەي جەرلەردە نايزاعاي ويناۋى مۇمكىن.

19, 20-21 - قىركۇيەكتە قىزىلوردا وبلىسىنىڭ كەي جەرلەرىندە نايزاعاي ويناپ، شاڭدى داۋىل سوعادى. باتىس، وڭتۇستىك- باتىستان سوققان جەلدىڭ قارقىنى 15-20 م/س- كە دەيىن جەتەدى.

19- قىركۇيەكتە باتىس قازاقستان وبلىسىنىڭ كەي جەرلەرىندە باتىس، سولتۇستىك باتىس جەلى ۇيىتقىپ، ونىڭ جىلدامدىعى 15-20 م/س بولادى. كۇندىز نايزاعاي ويناۋى ىقتيمال.

 19-20 - قىركۇيەك كۇنى اتىراۋ وبلىسىنىڭ كەي جەرلەرىندە نايزاعاي ويناپ، سولتۇستىك- باتىس جەلىنىڭ ەكپىنى 15-20 م/س قۇرايدى.

 19 - قىركۇيەكتە كۇندىز سولتۇستىك قازاقستان وبلىسىندا جىلدامدىعى 15-20 م/س بولاتىن وڭتۇستىك- شىعىستان جەل سوعىپ، كەي جەرلەردە جەل قارقىنى 23-28 م/س دەيىن جەتەدى.